Qazaqstan Respýblikasynyń Ulttyq dopingke qarsy kúres ortalyǵynyń saity oiyn kezinde tyiym salynǵan zattardy qoldanǵany úshin diskvalifikatsiiaǵa ushyraǵan sportshylardyń jańartylǵan tizimin jariialady, - dep habarlaidy Vesti.kz.
Saittyń habarlaýynsha, taǵy jeti qazaqstandyq oiynshy bul tizimge kirgen. Ol - 2014 jyly antidopingtik erejeni buzǵany úshin oiynnan shettelgen veloshabandoz Viktor Okishev. 2018 jyldyń saraptamasy boiynsha, oiynshynyń analizinde tyiym salynǵan eritropoetin preparaty anyqtalǵan. Nátijesinde, Okishev segiz jylǵa iaǵni, 2018 jyldyń 1 shildesinen bastap, 2026 jyldyń 30 maýsym aiyna deiin diskvalifikatsiialandy.
Sondai-aq doping qoldanǵany úshin ustalyp qalǵan aýyratlet Robert Karnaýhov (nandrolon, klomifen), júzýshi Riat Jumaǵulov (metilgeksanamin, higenamin) pen jeńilatlet Evgeniia Fondiýshina (sibýtramin), Aleksandr Liah (metilgeksanamin), Igor Kondratev (metilgeksanamin) jáne Veronika Broslavskaia (meldonii) dári-dármek qoldanǵany anyqtaldy.
Osylaisha, 2018 jyldyń basynan beri dopingke qarsy erejeni buzǵan qazaqstandyq sportshylardyń sany 26-ǵa jetti. Eske sala keteiik, 6 tamyz kúni kórkem gimnastka Sabina Áshirbaeva men Vladimir Sedov analizinde doping bar ekeni anyqtalyp, diskvalifikatsiialanǵan.
Qazaqstandyq jeti sportshy dopingpen ustaldy
