قازاقستاندىق جەتٸ سپورتشى دوپينگپەن ۇستالدى

قازاقستان رەسپۋبليكاسىنىڭ ۇلتتىق دوپينگكە قارسى كٷرەس ورتالىعىنىڭ سايتى ويىن كەزٸندە تىيىم سالىنعان زاتتاردى قولدانعانى ٷشٸن ديسكۆاليفيكاتسيياعا ۇشىراعان سپورتشىلاردىڭ جاڭارتىلعان تٸزٸمٸن جارييالادى, - دەپ حابارلايدى Vesti.kz.

سايتتىڭ حابارلاۋىنشا, تاعى جەتٸ قازاقستاندىق ويىنشى بۇل تٸزٸمگە كٸرگەن. ول - 2014 جىلى انتيدوپينگتٸك ەرەجەنٸ بۇزعانى ٷشٸن ويىننان شەتتەلگەن ۆەلوشاباندوز ۆيكتور وكيشەۆ. 2018 جىلدىڭ ساراپتاماسى بويىنشا, ويىنشىنىڭ اناليزٸندە تىيىم سالىنعان ەريتروپوەتين پرەپاراتى انىقتالعان. نەتيجەسٸندە, وكيشەۆ سەگٸز جىلعا ياعني, 2018 جىلدىڭ 1 شٸلدەسٸنەن باستاپ, 2026 جىلدىڭ 30 ماۋسىم ايىنا دەيٸن ديسكۆاليفيكاتسييالاندى.

سونداي-اق دوپينگ قولدانعانى ٷشٸن ۇستالىپ قالعان اۋىراتلەت روبەرت كارناۋحوۆ (ناندرولون, كلوميفەن), جٷزۋشٸ ريات جۇماعۇلوۆ (مەتيلگەكسانامين, حيگەنامين) پەن جەڭٸلاتلەت ەۆگەنييا فونديۋشينا (سيبۋترامين), الەكساندر لياح (مەتيلگەكسانامين), يگور كوندراتەۆ (مەتيلگەكسانامين) جەنە ۆەرونيكا بروسلاۆسكايا (مەلدونيي) دەرٸ-دەرمەك قولدانعانى انىقتالدى.

وسىلايشا, 2018 جىلدىڭ باسىنان بەرٸ دوپينگكە قارسى ەرەجەنٸ بۇزعان قازاقستاندىق سپورتشىلاردىڭ سانى 26-عا جەتتٸ. ەسكە سالا كەتەيٸك, 6 تامىز كٷنٸ كٶركەم گيمناستكا سابينا ەشٸرباەۆا مەن ۆلاديمير سەدوۆ اناليزٸندە دوپينگ بار ەكەنٸ انىقتالىپ, ديسكۆاليفيكاتسييالانعان.