Qazaqstandyq jeńil atletter Tokioda ótetin Olimpiada oiyndaryna taǵy tórt litsenziia jeńip aldy, dep habarlaidy "Ult aqparat" Olympic.kz saityna silteme jasap.
Qazaqstandyq eki sportshy joldamany Halyqaralyq jeńil atletika federatsiiasynyń (álemdik jeńil atletika) álemdik reitingine sáikes ie bolsa, tórtinshi joldamany Qazaqstanda ótken jarys nátijesi boiynsha aldy.
Aita keterligi, World Athletics Olimpiada joldamalary týraly nátijeni búgin jariialady.
Osylaisha, Olga Safronova, Mihail Litvin jáne Irina Ektova #teamKZ qorjynyn joldamamen tolyqtyrdy.
Olga Safronova áielder arasynda 100 jáne 200 metr qashyqtyqta jarysqa 2 litsenziia jeńip aldy.
Mihail Litvin erler arasynda 400 metrge júgirýden Qazaqstan namysyn qorǵaidy.
Irina Ektova Almatyda ótken jarystaǵy nátijesi boiynsha úsh qarǵyp sekirýden Olimpiadaǵa qatysady.
Aita keterligi, jeńil atletikadan Qazaqstan quramasynyń qorjynynda buǵan deiin jeti joldama boldy. Olardy Olga Rypakova (úsh qarǵyp sekirý), Grigorii Sheiko (sporttyq júris), Aiman Ratova (sporttyq júris) jáne Janna Mamajanova (marafon), Mariia Ovchinnikova (úsh qarǵyp sekirý), Nadejda Dýbovitskaia (biiktikke sekirý), Kristina Ovchinnikova (biiktikke sekirý) jeńip alǵan bolatyn.
