قازاقستاندىق جەڭٸل اتلەتتەر توكيودا ٶتەتٸن وليمپيادا ويىندارىنا تاعى تٶرت ليتسەنزييا جەڭٸپ الدى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
قازاقستاندىق ەكٸ سپورتشى جولدامانى حالىقارالىق جەڭٸل اتلەتيكا فەدەراتسيياسىنىڭ (ەلەمدٸك جەڭٸل اتلەتيكا) ەلەمدٸك رەيتينگٸنە سەيكەس يە بولسا, تٶرتٸنشٸ جولدامانى قازاقستاندا ٶتكەن جارىس نەتيجەسٸ بويىنشا الدى.
ايتا كەتەرلٸگٸ, World Athletics وليمپيادا جولدامالارى تۋرالى نەتيجەنٸ بٷگٸن جارييالادى.
وسىلايشا, ولگا سافرونوۆا, ميحايل ليتۆين جەنە يرينا ەكتوۆا #teamKZ قورجىنىن جولدامامەن تولىقتىردى.
ولگا سافرونوۆا ەيەلدەر اراسىندا 100 جەنە 200 مەتر قاشىقتىقتا جارىسقا 2 ليتسەنزييا جەڭٸپ الدى.
ميحايل ليتۆين ەرلەر اراسىندا 400 مەترگە جٷگٸرۋدەن قازاقستان نامىسىن قورعايدى.
يرينا ەكتوۆا الماتىدا ٶتكەن جارىستاعى نەتيجەسٸ بويىنشا ٷش قارعىپ سەكٸرۋدەن وليمپياداعا قاتىسادى.
ايتا كەتەرلٸگٸ, جەڭٸل اتلەتيكادان قازاقستان قۇراماسىنىڭ قورجىنىندا بۇعان دەيٸن جەتٸ جولداما بولدى. ولاردى ولگا رىپاكوۆا (ٷش قارعىپ سەكٸرۋ), گريگوريي شەيكو (سپورتتىق جٷرٸس), ايمان راتوۆا (سپورتتىق جٷرٸس) جەنە جاننا ماماجانوۆا (مارافون), مارييا وۆچيننيكوۆا (ٷش قارعىپ سەكٸرۋ), نادەجدا دۋبوۆيتسكايا (بيٸكتٸككە سەكٸرۋ), كريستينا وۆچيننيكوۆا (بيٸكتٸككە سەكٸرۋ) جەڭٸپ العان بولاتىن.
