QR Aqparat jáne qoǵamdyq damý ministrliginiń Jastar jáne otbasy isteri komitetiniń tóraǵasy Shahmardan Baimanov jastar saiasaty salasynda atqarylatyn jumystardy aitty, dep habarlaidy QazAqparat.
«Jastar máselesi – bizdiń memlekettik saiasattaǵy basym baǵyttardyń biri. 2020 jyly jastar saiasaty salasynda kóptegen jumystar atqaryldy, naqty nátijelerge qol jetkizildi. Jastar jyly aiasyndaǵy jol kartasy sheńberindegi sharalar kesheni iske asyrylyp, «Qazaqstan 2020: bolashaqqa jol» Qazaqstan Respýblikasy Memlekettik jastar saiasatynyń 2020 jylǵa deiingi tujyrymdamasyn iske asyrý aiaqtaldy», - dedi Sh. Baimanov QR AQDM janyndaǵy Jastar uiymdaryn damytý jónindegi úilestirý keńesiniń onlain-formattaǵy otyrysynda.
Onyń aitýynsha, 2020 jyly júrgizilgen keń aýqymdy ǵylymi-zertteý jáne taldaý jumystarynyń basym bóligi 2021 jyly bastatyn, josparlanyp otyrǵan memlekettik jastar saiasaty týraly qoldanystaǵy zańnamany jetildirý úshin naqty negizderdi aiqyndady jáne jańa qurylym men formattan basqa, qoldanbaly sipatqa baǵyttalǵan «Qazaqstan jastary – 2020» Ulttyq baiandamasyn daiyndaý barysynda qoldanyldy. Áleýmettik zertteýdiń qorytyndylary boiynsha jastar qundylyqtarynyń qurylymynda birneshe jyl boiy otbasy, densaýlyq jáne dostyq qundylyqtarynyń basymdyǵy saqtalyp otyr.
Sonymen qatar Sh. Baimanov jastar men otbasy saiasaty salasynda 2021 jylǵa josparlanǵan qadamdarǵa toqtaldy. Osy oraida «Qazaqstan Respýblikasynyń keibir zańnamalyq aktilerine memlekettik jastar saiasaty máseleleri boiynsha ózgerister men tolyqtyrýlar engizý týraly» zań jobasyn ázirleý, Jastardy qoldaýdyń 2025 jylǵa deiingi Keshendi jospary men «Táýelsizdik urpaqtary» ulttyq jobasyn júzege asyrý, sondai-aq granttyq ári áleýmettik jobalardy qamtý eskerilgen.
Munymen qosa, «Qazaqstan jastary – 2021» ulttyq baiandamalardy daiarlaý, «Jastardyń damý indeksin» ázirleý jáne engizý qamtylyp otyr.
«Biyl «Zeren-2021 Táýelsizdik urpaqtary» respýblikalyq jastar bilim berý jastar lagerin uiymdastyrý qarastyrylyp otyr», - dedi komitet basshysy.
Sonymen qatar ol biylǵa josparlanǵan halyqaralyq is-sharalarǵa toqtaldy.
Bul rette «Túrkistan – túrki áleminiń besigi» túrkitildes elderi jastar kóshbasshylarynyń halyqaralyq sammiti, Aziiadaǵy ózara is-qimyl jáne senim sharalary keńesine (AÓSShK) múshe memleketter jastar forýmy, Qazaqstan men Resei volonter uiymdary liderleriniń qatysýymen eriktiler keńesi ótkizilmek.
