Qazaqstanda jańa týristik baǵyttar iske qosylady. Ol úshin arnaiy mobildi qosymsha jasap shyǵaryldy, dep habarlaidy QazAqparat elimizdegi IýNESKO klýbtary qaýymdastyǵynyń hatshylyǵyna silteme jasap.
Habarlamada aitylǵandai, «Bizben birge Qazaqstandy ash!» atty uranmen otandyq týrizmdi damytý men mádeni murany saqtaýǵa baǵyttalǵan jastar jobasy qolǵa alynǵan.
«Jastar men mádeni mura» ataýyn alǵan jobaǵa elimiz boiynsha 178 top qatysyp, sonyń ishinen úzdik dep tanylǵan 12 jeńimpaz top marapattalǵan.
Uiymdastyrýshylardyń málimetinshe, ár toptyń quramynda 3 adamnan turdy jáne olar joba aiasynda 5 kúndik bilim berý baǵdarlamasyn meńgerdi.
Jas bilimpazdarǵa týrizm salasy boiynsha sarapshylar, ekskýrsiia júrgizýshileri men týristik blogerler dáris oqydy. Sondai-aq, top músheleri otandyq týrizmniń negizimen tanysyp, týristik marshrýttar men kartalardy qurastyryp úirendi.
«Bilim berý baǵdarlamasy aiaqtalǵannan keiin top músheleri tájiribelik tapsyrmalardy oryndaýǵa kóshti. Atap aitqanda, týǵan jerinde týristik marshrýttardy daiyndaýǵa kiristi. Qatysýshylar ózderiniń innovatsiialyq jáne shyǵarmashylyq ideialaryn paidalaný arqyly elimizdiń mádeni jáne tabiǵi murasyn saqtaý jáne nasihattaýǵa baǵyttalǵan turaqty týrizmniń damýyna ákeletin týristik marshrýttar qurýy kerek edi. Mundaǵy maqsat - jastardyń jobaǵa qatysý belsendiligin arttyryp, týǵan jerdiń sulýlyǵyn pash etýge yntalandyrý», - delingen habarlamada.
Sondai-aq, osy osy aidyń sońynda joba qatysýshylary ázirlengen týristik marshrýttar boiynsha arnaiy mobildi qosymshanyń iske qosylatyny habarlandy.
«Bul mobildi qosymsha jergilikti jáne sheteldik týristerge Qazaqstannyń jańa qalalary men aýdandaryn tani túsýge kómektesedi. Qosymshanyń basty aiyrmashylyǵy – kez kelgen adam arnaiy gidsiz daiyndalǵan marshrýttardy óte alady. Sondai-aq, jergilikti turǵynmen serýendegi kelse, osy marshrýttardyń avtorlaryna habarlasyp, kómegine súiene alady», - dep habarlaidy avtorlar.
Aita keteiik, jastarǵan arnalǵan atalǵan joba IýNESKO, QR Mádeniet jáne sport ministrligi, Almatydaǵy IýNESKO klasterlik biýrosynyń, QR IýNESKO jáne ISESKO boiynsha ulttyq komissiiasynyń jáne «Kazakh Tourism» ulttyq kompaniiasynyń uiytqy bolýymen júzege asyp otyr.
