Qazaqstandyq boksshy Áli Ahmedov (13-0, 10 KO) basqa salmaq dárejesine aýysýǵa bel býǵan, dep habarlaidy Sports.kz.
Promoýter Tom Leffler Ahmedovpen birge túsken sýretin jariialap, boksshynyń «168 fýntta boks shyńyn baǵyndyrýdy jalǵastyrýǵa nietti ekendigin» jazdy.
Aita keteiik, qazaqstandyq jartylaý aýyr salmaqta jastar arasynda WBC álem chempiony titýlynyń (175 fýnt) iegeri. Lefflerdiń jazbasynan Álidiń ekinshi orta salmaqqa túskisi keletinin baiqaýǵa bolady.
Áli Ahmedov munyń aldyndaǵy aiqasyn 11 qazanda Kosta-Mesede (AQSh, Kaliforniia shtaty) ótkizdi. Bul jekpe-jekte birinshi raýndta meksikalyq Djovani Haver Gomesti (18-15, 12 KO) nokaýtqa túsirdi. Ázirge sportshynyń qashan ringke oralatyny belgisiz.
