Qazaqstandyq shabandoz Evgenii Fedorov velosporttan Aziia chempionatynda altyn jeńip aldy. Ol erler arasyndaǵy jeke saiysta úzdik nátije kórsetti, - dep habarlaidy Tengrinews.kz tilshisi Vesti.kz saityna silteme jasap.
Fedorov 24 shaqyrymdy 28 minýt 45.197 sekýndta júrip ótti. Ekinshi orynda japondyq Nariiýka Masýda (+51.548), al úshinshi orynda ózbek shabandozy Mýrajan Halmýratov (+1:13.094) ielendi.
"Bizdiń qurama úshin tamasha kún! Birinshiden, Evgenii Fedorov erler arasyndaǵy jarysta Qazaqstan qorjynyna taǵy bir medal saldy. Árine, ózimiz kútkendei nátije boldy. Óitkeni Qazaqstan uzaq jyldan beri Aziiadaǵy velosport kóshbasshysy. Bul jeńisten keiin batyl túrde maqtanýǵa bolady.
Evgenii - talantty jas sportshy. Sonymen qatar, búgin qyzdar arasyndaǵy altyn medal da erekshe qýantty! Rinata Sultanova - tarihta tasjoldaǵy velosporttan Aziia chempiony ataǵyn jeńip alǵan alǵashqy qazaqstandyq shabandoz! Qazaqstanda áielderge arnalǵan velosport qarqyndy damyp keledi jáne bul qýantarlyq jait! Aziia chempionatynda el namysyn qorǵaǵan sportshylarymyzdy quttyqtaimyn jáne óner kórsetetinderge sáttilik tileimin!" - dedi QVF prezidenti Nurlan Smaǵulov.
