Bailanys operatorlary tótenshe jaǵdai kezinde óz abonentterine qazaqstandyq domendik aimaqta ornalasqan internet-resýrstarǵa qosymsha tólemsiz kirýge, tipti telefon teńgeriminde qarajat joq bolǵan jaǵdaida da qosylýǵa múmkindik beretin túrli sheshimder men tariftik josparlar usynýda.
Bul týraly tolyǵyraq azamattar óz bailanys operatorynan anyqtai alady. El Prezidentiniń TJ rejimi kezinde qazaqstandyqtarǵa qoldaý kórsetý jónindegi tapsyrmasyn bailanys operatorlarynyń oryndaý barysy týraly QR Tsifrlyq damý, innovatsiialar jáne aeroǵarysh ónerkásibi ministrliginiń mamandary aityp berdi, dep habarlaidy "Ult aqparat".
Oqý oryndarynyń qashyqtan oqytý formatyna kóshýine bailanysty tnternetti tegin paidalanýdyń mańyzy zor. Elimizdiń iri bailanys operatorlary, onyń ishinde «Qazaqtelekom» AQ, «Transtelekom» AQ, «Astel» AQ, «Kar-Tel» JShS, «Ksell» AQ, «Mobail Telekom-Servis» JShS budan buryn JOO saittaryn, elektrondyq anyqtamalyq derekter bazasyn, onlain-kúndelik, elektrondy bilim berý portaldaryn jáne QR Bilim jáne ǵylym ministrligi usynǵan basqa da bilim berý resýrstaryna tegin qosylý múmkindigin usynǵan edi.
Sonymen qatar, https://www.coronavirus2020.kz/kz koronavirýs týraly resmi internet-resýrsyn, https://egov.kz/cms/kk elektrondyq úkimet portaly men eGov Mobile mobildi qosymshasyn paidalaný kezinde trafik eseptelmeidi jáne megabait shegerilmeidi.
Meditsina qyzmetkerlerine qoldaý kórsetý maqsatynda «Ksell» AQ, «Kar-Tel» jáne «Mobail Telekom-Servis» JShS koronavirýs indetine qarsy kúresip jatqan barlyq dárigerge tegin uialy bailanys qyzmetin usyndy. Respýblika boiynsha 20 000-nan astam meditsina qyzmetkeri TJ kezinde uialy bailanyspen internet paketin tegin paidalanýda.
A zamattardyń epidemiologiialyq jaǵdaidan habardar bolýy úshin uialy bailanys operatorlary 1406 call-ortalyǵyna uialy telefonnan tegin qońyraý shalý múmkindigin usyndy. Azamattar atalǵan ortalyqqa qońyraý shalý arqyly mamandardan qajetti dárigerlik keńes ala alady.
«Qazaqtelekom» AQ jáne «Transtelekom» AQ TJ kezeńinde bekitilgen bailanys, Internet jáne tsifrlyq televiziia qyzmetteri úshin tólem jasamaǵan, iaǵni qaryzy bar jeke tulǵalardy atalǵan qyzmetterden ajyratyp tastamaý týraly sheshim qabyldady.
TJ rejimi kezinde «Kar-Tel» JShS áleýmettik tariftik josparyn paidalanatyn abonentterine, iaǵni zeinetkerler, múmkindigi shekteýli jandar men muǵalimderge tegin bailanys jáne internet paketterin usynady. Sondai-aq, barlyq uialy bailanys operatorlary roýmingtegi óz abonentterin bonýstyq teńgerimmen nemese áleýmettik jelilerge tegin internet-trafikpen jáne týystarymen bailanysý úshin tegin messendjerlermen qamtamasyz etti.
TJ rejimi kezinde kásipkerlerge qoldaý kórsetý úshin keibir operatorlar Internet qyzmetterine, karantinge jabylǵan saýda jáne qyzmet kórsetý oryndaryn qashyqtan baqylaý úshin beinebaqylaý qyzmetine tólem júrgizý tártibi jeńildetilgen arnaiy tariftik josparlar ázirledi.
Qazirgi ýaqytta bailanys operatorlarynyń kúsheitilgen jumys rejimine kóshkenin aityp ótken jón. Kommýnikatsiia jelileriniń úzdiksiz jumys isteýi úshin bailanys arnalaryna táýlik boiy monitoring júrgiziledi. Sondai-aq bailanys operatorlary 1414 call-ortalyǵynyń jumysyn kúsheitý jáne memlekettik qyzmetshilerdiń qashyqtan jumys rejimine kóshýi úshin birqatar uiymdastyrý sharalaryn qabyldady.
