Qazaqstandyq vaktsinany saldyratyn eriktilerge eshqandai aqy tólenbeidi. Bul týraly QR Densaýlyq saqtaý ministrliginiń resmi ókili Baǵdat Qojahmetov aityp berdi, dep habarlaidy "Ult aqparat".
«Ekpe saldyratyn eriktilerge eshqandai aqy nemese basqa da materialdyq syilyqtar berilmeidi. Tek qana memleket tarapynan olardyń ómiri men densaýlyǵy saqtandyrylady. Eger ekpe salǵan erikti aýyryp qalsa nemese densaýlyǵyna basqa da ziian tiip jatsa, saqtandyrý arqyly meditsinalyq kómek ala alady.
Eriktiler tizimin bekitý jónindegi suraqty Bilim jáne ǵylym ministrliginiń komitetine joldaý kerek. Al jalpy neǵurlym kóp adam klinikalyq tekserýden ótse, soǵurlym vaktsinanyń sapasy erterek belgili bolady», - dep jaýap berdi resmi ókil Ortalyq kommýnikatsiialar qyzmetinde tilshi suraǵyna.
Aita keteiik, koronavirýs infektsiiasyna qarsy «QazCovid-in» qazaqstandyq vaktsinasynyń klinikalyq synaǵyna qatysýǵa 627 adam ótinim bergen.
