قازاقستاندىق ۆاكتسينانى سالدىراتىن ەرٸكتٸلەرگە ەشقانداي اقى تٶلەنبەيدٸ. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتىپ بەردٸ, دەپ حابارلايدى "ۇلت اقپارات".
«ەكپە سالدىراتىن ەرٸكتٸلەرگە ەشقانداي اقى نەمەسە باسقا دا ماتەريالدىق سىيلىقتار بەرٸلمەيدٸ. تەك قانا مەملەكەت تاراپىنان ولاردىڭ ٶمٸرٸ مەن دەنساۋلىعى ساقتاندىرىلادى. ەگەر ەكپە سالعان ەرٸكتٸ اۋىرىپ قالسا نەمەسە دەنساۋلىعىنا باسقا دا زييان تيٸپ جاتسا, ساقتاندىرۋ ارقىلى مەديتسينالىق كٶمەك الا الادى.
ەرٸكتٸلەر تٸزٸمٸن بەكٸتۋ جٶنٸندەگٸ سۇراقتى بٸلٸم جەنە عىلىم مينيسترلٸگٸنٸڭ كوميتەتٸنە جولداۋ كەرەك. ال جالپى نەعۇرلىم كٶپ ادام كلينيكالىق تەكسەرۋدەن ٶتسە, سوعۇرلىم ۆاكتسينانىڭ ساپاسى ەرتەرەك بەلگٸلٸ بولادى», - دەپ جاۋاپ بەردٸ رەسمي ٶكٸل ورتالىق كوممۋنيكاتسييالار قىزمەتٸندە تٸلشٸ سۇراعىنا.
ايتا كەتەيٸك, كوروناۆيرۋس ينفەكتسيياسىنا قارسى «QazCovid-in» قازاقستاندىق ۆاكتسيناسىنىڭ كلينيكالىق سىناعىنا قاتىسۋعا 627 ادام ٶتٸنٸم بەرگەن.
