Ulttyq qaýipsizdik komiteti qańtardaǵy oqiǵa kezinde urlanǵan qarý-jaraq tárkilengenin aitty, - dep habarlaidy "Ult aqparat" UQK baspasóz qyzmetine silteme jasap.
"2022 jylǵy sáýir-mamyrda UQK jáne onyń aýmaqtyq departamentteri zańsyz ainalymnan qańtar oqiǵasy kezinde urlanǵan qarýdy izdeý, tárkileý boiynsha jedel-izdestirý is-sharalaryn júrgizdi", - dep atap ótti komitet.
Almaty oblysynda «Baikal» tapanshasy, 2 myltyq, 10 granata jáne ár-túrli kalibrli 104 oq jasyrylǵan oryn tabylǵan. Jappai tártipsizdikke qatysýshylardan 3 birlik qarý men 109 oq-dári tárkilendi.
Sondai-aq, Makarov tapanshasyn satý kezinde aimaqtyń qylmystyq ókili ustalǵan. Onyń turǵylyqty jeri boiynsha «qańtar oqiǵasy» kezinde Taldyqorǵan qalalyq politsiia basqarmasynan urlanǵan taǵy bir tapansha tárkilendi.
"Almatyda jappai tártipsizdikke qatysýshylardy, sonyń ishinde Prezident rezidentsiiasyna shabýyl jasaǵandardy ustaý barysynda "Glok" tapanshasy, 29 oq-dári jáne 3 tegis uńǵyly myltyq tárkilendi.
Tergeýdegi «Qazaqstandyq» uiymdasqan qylmystyq toptyń músheleri óz erikterimen 39 birlik qarý, 1 daýystyq granata, 1 brondy saýyt jáne 98 oq tapsyrdy.
Politsiia organdarymen birge «Qorǵan» ańshylyq dúkeninen qarý urlaýǵa qatysy bar óńirdiń turǵyndary ustaldy. Tintý barysynda olardyń turǵylyqty jeri boiynsha optikalyq nysana, tegis uńǵyly oqpen jabdyqtaýǵa arnalǵan stanok, sondai-aq «ASG» straikbolǵa arnalǵan myltyq alyndy", - delingen UQK habarlamasynda.
Odan bólek, Jambyl oblysynda «Kalashnikov» avtomaty, revolver, «Saiga» karabini jáne 328 oq-dári, Qyzylorda oblysynda «Kalashnikov» avtomaty, «Makarov» tapanshasy, «Borz» tapansha-pýlemeti, «Saiga» karabini, «F-1» granatasy jáne 59 oq-dári jasyrylǵan oryndar anyqtaldy.
Shyǵys Qazaqstan oblysynda Politsiia departamentimen birge jasyryn jerden 1 sholaq myltyq, 1 «RG-42» granatasy, 168 oq-dári jáne 1 brondy saýyt alyndy. Al, Túrkistan oblysynda politsiia organdarymen birge «Mosina» markaly myltyq tárkileni.
Zańsyz ainalymnan barlyǵy 61 qarý, 13 granata jáne 1170 oq-dári tárkilendi.
Atalǵan faktiler boiynsha sotqa deiingi tergeý amaldary júrgizilýde.
