ۇلتتىق قاۋٸپسٸزدٸك كوميتەتٸ قاڭتارداعى وقيعا كەزٸندە ۇرلانعان قارۋ-جاراق تەركٸلەنگەنٸن ايتتى, - دەپ حابارلايدى "ۇلت اقپارات" ۇقك باسپاسٶز قىزمەتٸنە سٸلتەمە جاساپ.
"2022 جىلعى سەۋٸر-مامىردا ۇقك جەنە ونىڭ اۋماقتىق دەپارتامەنتتەرٸ زاڭسىز اينالىمنان قاڭتار وقيعاسى كەزٸندە ۇرلانعان قارۋدى ٸزدەۋ, تەركٸلەۋ بويىنشا جەدەل-ٸزدەستٸرۋ ٸس-شارالارىن جٷرگٸزدٸ", - دەپ اتاپ ٶتتٸ كوميتەت.
الماتى وبلىسىندا «بايكال» تاپانشاسى, 2 مىلتىق, 10 گراناتا جەنە ەر-تٷرلٸ كاليبرلٸ 104 وق جاسىرىلعان ورىن تابىلعان. جاپپاي تەرتٸپسٸزدٸككە قاتىسۋشىلاردان 3 بٸرلٸك قارۋ مەن 109 وق-دەرٸ تەركٸلەندٸ.
سونداي-اق, ماكاروۆ تاپانشاسىن ساتۋ كەزٸندە ايماقتىڭ قىلمىستىق ٶكٸلٸ ۇستالعان. ونىڭ تۇرعىلىقتى جەرٸ بويىنشا «قاڭتار وقيعاسى» كەزٸندە تالدىقورعان قالالىق پوليتسييا باسقارماسىنان ۇرلانعان تاعى بٸر تاپانشا تەركٸلەندٸ.
"الماتىدا جاپپاي تەرتٸپسٸزدٸككە قاتىسۋشىلاردى, سونىڭ ٸشٸندە پرەزيدەنت رەزيدەنتسيياسىنا شابۋىل جاساعانداردى ۇستاۋ بارىسىندا "گلوك" تاپانشاسى, 29 وق-دەرٸ جەنە 3 تەگٸس ۇڭعىلى مىلتىق تەركٸلەندٸ.
تەرگەۋدەگٸ «قازاقستاندىق» ۇيىمداسقان قىلمىستىق توپتىڭ مٷشەلەرٸ ٶز ەرٸكتەرٸمەن 39 بٸرلٸك قارۋ, 1 داۋىستىق گراناتا, 1 بروندى ساۋىت جەنە 98 وق تاپسىردى.
پوليتسييا ورگاندارىمەن بٸرگە «قورعان» اڭشىلىق دٷكەنٸنەن قارۋ ۇرلاۋعا قاتىسى بار ٶڭٸردٸڭ تۇرعىندارى ۇستالدى. تٸنتۋ بارىسىندا ولاردىڭ تۇرعىلىقتى جەرٸ بويىنشا وپتيكالىق نىسانا, تەگٸس ۇڭعىلى وقپەن جابدىقتاۋعا ارنالعان ستانوك, سونداي-اق «ASG» سترايكبولعا ارنالعان مىلتىق الىندى", - دەلٸنگەن ۇقك حابارلاماسىندا.
ودان بٶلەك, جامبىل وبلىسىندا «كالاشنيكوۆ» اۆتوماتى, رەۆولۆەر, «سايگا» كارابينٸ جەنە 328 وق-دەرٸ, قىزىلوردا وبلىسىندا «كالاشنيكوۆ» اۆتوماتى, «ماكاروۆ» تاپانشاسى, «بورز» تاپانشا-پۋلەمەتٸ, «سايگا» كارابينٸ, «ف-1» گراناتاسى جەنە 59 وق-دەرٸ جاسىرىلعان ورىندار انىقتالدى.
شىعىس قازاقستان وبلىسىندا پوليتسييا دەپارتامەنتٸمەن بٸرگە جاسىرىن جەردەن 1 شولاق مىلتىق, 1 «رگ-42» گراناتاسى, 168 وق-دەرٸ جەنە 1 بروندى ساۋىت الىندى. ال, تٷركٸستان وبلىسىندا پوليتسييا ورگاندارىمەن بٸرگە «موسينا» ماركالى مىلتىق تەركٸلەنٸ.
زاڭسىز اينالىمنان بارلىعى 61 قارۋ, 13 گراناتا جەنە 1170 وق-دەرٸ تەركٸلەندٸ.
اتالعان فاكتٸلەر بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
