Qazaqstandyq tennisshilerdiń Rolan Garros týrnirindegi qarsylastary belgili boldy, dep habarlaidy "Ult aqparat".
Qazaqstan tennis federatsiiasy málim etkenindei, Frantsiia ashyq chempionaty 30 mamyr - 13 maýsym aralyǵynda Parijdegi «Rolan Garros» sport kesheniniń korttarynda ótedi.
Jekelei synda elimizden bes birdei sportshy óner kórsetedi.
Qazaqstannyń birinshi, álemniń 37-raketkasy Aleksandr Býblikke qiyn qarsylas tap boldy. Ol alǵashqy ainalymda álemniń 2-raketkasy, reseilik Daniil Medvedevpen sheberlik baiqasady. Mihail Kýkýshkin ispaniialyq Alehandro Davidovich-Fokinamen kezdesedi.
Áielder arasynda Qazaqstannyń birinshi raketkasy Elena Rybakina frantsiialyq Elza Jakmony synap kóredi.
Iýliia Pýtintsevanyń qarsylasy osal emes, ol Týnis ókili Ons Jabermen kúsh synasady.
Zarina Diias ulybritaniialyq Hizer Ýotsonmen kortqa shyǵady.
