قازاقستاندىق تەننيسشٸلەردٸڭ رولان گارروس تۋرنيرٸندەگٸ قارسىلاستارى بەلگٸلٸ بولدى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, فرانتسييا اشىق چەمپيوناتى 30 مامىر - 13 ماۋسىم ارالىعىندا پاريجدەگٸ «رولان گارروس» سپورت كەشەنٸنٸڭ كورتتارىندا ٶتەدٸ.
جەكەلەي سىندا ەلٸمٸزدەن بەس بٸردەي سپورتشى ٶنەر كٶرسەتەدٸ.
قازاقستاننىڭ بٸرٸنشٸ, ەلەمنٸڭ 37-راكەتكاسى الەكساندر بۋبليككە قيىن قارسىلاس تاپ بولدى. ول العاشقى اينالىمدا ەلەمنٸڭ 2-راكەتكاسى, رەسەيلٸك دانييل مەدۆەدەۆپەن شەبەرلٸك بايقاسادى. ميحايل كۋكۋشكين يسپانييالىق الەحاندرو داۆيدوۆيچ-فوكينامەن كەزدەسەدٸ.
ەيەلدەر اراسىندا قازاقستاننىڭ بٸرٸنشٸ راكەتكاسى ەلەنا رىباكينا فرانتسييالىق ەلزا جاكمونى سىناپ كٶرەدٸ.
يۋلييا پۋتينتسەۆانىڭ قارسىلاسى وسال ەمەس, ول تۋنيس ٶكٸلٸ ونس جابەرمەن كٷش سىناسادى.
زارينا ديياس ۇلىبريتانييالىق حيزەر ۋوتسونمەن كورتقا شىعادى.
