Qazaqstandyqtar Aleksandr Býblik pen Andrei Golýbev juptyq synda Rolan Garros týrniriniń finalynda jeńilip qaldy, dep habarlaidy "Ult aqparat".
Qazaqstandyq jup finalda frantsiialyqtar Per-Iýg Erber – Nikolia Maiýmen kúsh synasty.
Frantsiialyq jup osyǵan deiin «Úlken dýlyǵa» týrniriniń finalynda alty ret oinap, sonyń tórteýinde jeńiske jetken eken.
Birinshi partiiada qazaqstandyqtar esesin jibermedi – 6:4.
Ekinshi sette breik jasaǵan kort ieleri 3:1 esebimen alǵa shyqqanymen, Býblik pen Golýbev sol boida qarymta qaiyrdy – 3:3. Esep 4:4 bolǵanda, qazaqstandyqtar taǵy bir breikke qol jetkizdi – 5:4. Degenmen Býblik matchqa dop bergende, qazaqstandyq jup sol múmkindikti paidalana almady – 5:5. Aqyry tai-breikte frantsiialyqtar ábjildik tanytty – 7:6 (7:1).
Sheshýshi, úshinshi partiiada esep 3:3 bolǵan mezette jankúierleri qoldaǵan frantsiialyq jup breik jasap ketti. Sodan keiin matchty jeńispen túiindedi – 6:4.
Tartysty báseke 2 saǵat 10 minýtqa sozyldy.
Degenmen erler arasynda qazaqstandyq jup alǵash ret «Úlken dýlyǵa» týrniriniń finalyna deiin jetti.
