قازاقستاندىق تەننيسشٸلەر رولان گارروستىڭ فينالىندا جەڭٸلٸپ قالدى

قازاقستاندىقتار الەكساندر بۋبليك پەن اندرەي گولۋبەۆ جۇپتىق سىندا رولان گارروس تۋرنيرٸنٸڭ فينالىندا جەڭٸلٸپ قالدى, دەپ حابارلايدى "ۇلت اقپارات".

قازاقستاندىق جۇپ فينالدا فرانتسييالىقتار پەر-يۋگ ەربەر – نيكوليا مايۋمەن كٷش سىناستى.

فرانتسييالىق جۇپ وسىعان دەيٸن «ٷلكەن دۋلىعا» تۋرنيرٸنٸڭ فينالىندا التى رەت ويناپ, سونىڭ تٶرتەۋٸندە جەڭٸسكە جەتكەن ەكەن.

بٸرٸنشٸ پارتييادا قازاقستاندىقتار ەسەسٸن جٸبەرمەدٸ – 6:4.

ەكٸنشٸ سەتتە برەيك جاساعان كورت يەلەرٸ 3:1 ەسەبٸمەن العا شىققانىمەن, بۋبليك پەن گولۋبەۆ سول بويدا قارىمتا قايىردى – 3:3. ەسەپ 4:4 بولعاندا, قازاقستاندىقتار تاعى بٸر برەيككە قول جەتكٸزدٸ – 5:4. دەگەنمەن بۋبليك ماتچقا دوپ بەرگەندە, قازاقستاندىق جۇپ سول مٷمكٸندٸكتٸ پايدالانا المادى – 5:5. اقىرى تاي-برەيكتە فرانتسييالىقتار ەبجٸلدٸك تانىتتى – 7:6 (7:1).

شەشۋشٸ, ٷشٸنشٸ پارتييادا ەسەپ 3:3 بولعان مەزەتتە جانكٷيەرلەرٸ قولداعان فرانتسييالىق جۇپ برەيك جاساپ كەتتٸ. سودان كەيٸن ماتچتى جەڭٸسپەن تٷيٸندەدٸ – 6:4.

تارتىستى بەسەكە 2 ساعات 10 مينۋتقا سوزىلدى.

دەگەنمەن ەرلەر اراسىندا قازاقستاندىق جۇپ العاش رەت «ٷلكەن دۋلىعا» تۋرنيرٸنٸڭ فينالىنا دەيٸن جەتتٸ.