Qazaqstandyqtar Aleksandr Nedovesov pen Andrei Golýbev juptyq synda Zagreb (Horvatiia) chellendjer týrniriniń finalyna shyqty, dep habarlaidy "Ult aqparat".
Osy jarystyń birinshi raketkalary bolyp tirkelgen Nedovesov pen Golýbev shirek finalda taǵy bir qazaqstandyq Dmitrii Popko - chililik Alehandro Tabilomen kezdesýi kerek edi.
Áitse de qarsylastary oiynǵa kelmei qaldy da, qazaqstandyqtar jartylai finalǵa ótti.
Jartylai finalda Polsha ókilderi Shimon Valkov - Ian Zelinskimen sheberlik baiqasty.
Qazaqstandyq jup 7:6 (7:5), 6:4 esebimen jeńiske jetti.
Báseke saǵat jarymǵa sozyldy.
Nedovesov pen Golýbev finalda amerikalyqtar Evan King - Hýnter Ris nemese monakolyq Romen Arneodo - frantsiialyq Albano Olivetti juptarynyń qai jeńgenimen bas júldeni sarapqa salady.
Taǵy bir qazaqstandyq Timofei Skatov Túrkiiadaǵy Antaliia ITF jarysynyń shirek finalynda aýstriialyq Aleksandr Erlerge 6:4, 2:6, 1:6 esebimen ese jiberdi.
