قازاقستاندىقتار الەكساندر نەدوۆەسوۆ پەن اندرەي گولۋبەۆ جۇپتىق سىندا زاگرەب (حورۆاتييا) چەللەندجەر تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".
وسى جارىستىڭ بٸرٸنشٸ راكەتكالارى بولىپ تٸركەلگەن نەدوۆەسوۆ پەن گولۋبەۆ شيرەك فينالدا تاعى بٸر قازاقستاندىق دميتريي پوپكو - چيليلٸك الەحاندرو تابيلومەن كەزدەسۋٸ كەرەك ەدٸ.
ەيتسە دە قارسىلاستارى ويىنعا كەلمەي قالدى دا, قازاقستاندىقتار جارتىلاي فينالعا ٶتتٸ.
جارتىلاي فينالدا پولشا ٶكٸلدەرٸ شيمون ۆالكوۆ - يان زەلينسكيمەن شەبەرلٸك بايقاستى.
قازاقستاندىق جۇپ 7:6 (7:5), 6:4 ەسەبٸمەن جەڭٸسكە جەتتٸ.
بەسەكە ساعات جارىمعا سوزىلدى.
نەدوۆەسوۆ پەن گولۋبەۆ فينالدا امەريكالىقتار ەۆان كينگ - حۋنتەر ريس نەمەسە موناكولىق رومەن ارنەودو - فرانتسييالىق البانو وليۆەتتي جۇپتارىنىڭ قاي جەڭگەنٸمەن باس جٷلدەنٸ ساراپقا سالادى.
تاعى بٸر قازاقستاندىق تيموفەي سكاتوۆ تٷركيياداعى انتالييا ITF جارىسىنىڭ شيرەك فينالىندا اۋسترييالىق الەكساندر ەرلەرگە 6:4, 2:6, 1:6 ەسەبٸمەن ەسە جٸبەردٸ.
