Qazaqstandyq Tatiana Nikolenko Ýimbldon jastar týrniriniń irikteý saiysynda baq synaidy, dep habarlaidy "Ult aqparat".
Qazaqstan tennis federatsiiasy málim etkenindei, Óskemen tennis mektebiniń túlegi Nikolenko jastar arasynda Ýimbldon dodasynda synǵa túsetin el tarihyndaǵy ekinshi oiynshy bolmaq.
Budan jeti jyl buryn Ásiia Dair negizgi týrnirge sál ilikpei qalǵan bolatyn. Onda ol irikteý saiysynyń ekinshi kezeńinde ulybritaniialyq Peppe Hornǵa ese jibergen edi.
«Tanianyń «Úlken dýlyǵa» jarysyndaǵy joly biyl jyl basynda Aýstraliiada bastalýy kerek edi. Alaida pandemiiaǵa bailanysty ol múmkin bolmady. Sodan keiin Frantsiiaǵa Rolan Garrosqa barýymyz qajet edi, biraq vizany rásimdei almadyq. Qazirgi kezde qyzym Londonda, 1 shildede irikteý saiystary bastalady. Jerebeden keiin alǵashqy qarsylasyn biletin bolamyz», dedi sportshynyń ákesi Iýrii Nikolenko.
Jastar arasynda jańartylǵan álemdik reitingte 17 jastaǵy Nikolenko 85-orynda keledi.
Eske sala keteiik, budan buryn Elena Rybakinanyń Ýimbldon týrnirin jeńispen bastaǵanyn, qazaqstandyq tennisshilerdiń Olimpiadanyń taǵy bir joldamasyna ie bolǵanyn jazǵan edik.
Búgin eresekter arasynda Ýimbldonda Qazaqstannan Aleksandr Býblik, Mihail Kýkýshkin, Elena Rybakina, Iýliia Pýtintseva jáne Zarina Diias kortqa shyǵady.
