قازاقستاندىق تاتيانا نيكولەنكو ۋيمبلدون جاستار تۋرنيرٸنٸڭ ٸرٸكتەۋ سايىسىندا باق سىنايدى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, ٶسكەمەن تەننيس مەكتەبٸنٸڭ تٷلەگٸ نيكولەنكو جاستار اراسىندا ۋيمبلدون دوداسىندا سىنعا تٷسەتٸن ەل تاريحىنداعى ەكٸنشٸ ويىنشى بولماق.
بۇدان جەتٸ جىل بۇرىن ەسييا داير نەگٸزگٸ تۋرنيرگە سەل ٸلٸكپەي قالعان بولاتىن. وندا ول ٸرٸكتەۋ سايىسىنىڭ ەكٸنشٸ كەزەڭٸندە ۇلىبريتانييالىق پەپپە حورنعا ەسە جٸبەرگەن ەدٸ.
«تانيانىڭ «ٷلكەن دۋلىعا» جارىسىنداعى جولى بيىل جىل باسىندا اۋسترالييادا باستالۋى كەرەك ەدٸ. الايدا پاندەميياعا بايلانىستى ول مٷمكٸن بولمادى. سودان كەيٸن فرانتسيياعا رولان گارروسقا بارۋىمىز قاجەت ەدٸ, بٸراق ۆيزانى رەسٸمدەي المادىق. قازٸرگٸ كەزدە قىزىم لوندوندا, 1 شٸلدەدە ٸرٸكتەۋ سايىستارى باستالادى. جەرەبەدەن كەيٸن العاشقى قارسىلاسىن بٸلەتٸن بولامىز», دەدٸ سپورتشىنىڭ ەكەسٸ يۋريي نيكولەنكو.
جاستار اراسىندا جاڭارتىلعان ەلەمدٸك رەيتينگتە 17 جاستاعى نيكولەنكو 85-ورىندا كەلەدٸ.
ەسكە سالا كەتەيٸك, بۇدان بۇرىن ەلەنا رىباكينانىڭ ۋيمبلدون تۋرنيرٸن جەڭٸسپەن باستاعانىن, قازاقستاندىق تەننيسشٸلەردٸڭ وليمپيادانىڭ تاعى بٸر جولداماسىنا يە بولعانىن جازعان ەدٸك.
بٷگٸن ەرەسەكتەر اراسىندا ۋيمبلدوندا قازاقستاننان الەكساندر بۋبليك, ميحايل كۋكۋشكين, ەلەنا رىباكينا, يۋلييا پۋتينتسەۆا جەنە زارينا ديياس كورتقا شىعادى.
