Áielder tennis qaýymdastyǵy (WTA) reitinginiń jalǵyz jáne juptyq razriadtaǵy jańa nusqasy shyqty, dep habarlaidy QazAqparat Sports.kz saityna silteme jasap.
Álemniń birinshi raketkasy ataǵyn aýstraliialyq Eshli Barti saqtap qaldy, ekinshi orynǵa cheh sportshysy Barbora Kreichikova shyqty. Ol belarýs Arina Sobolenkony úshinshi orynǵa yǵystyrdy.
Qazaqstannyń myqty ókili Elena Rybakina 20-orynda qaldy, Iýliia Pýtintseva alty oryn joǵaltyp, 45-shi orynǵa tústi. Zarina Diias alǵashqy júzdikke jaqyndady – 109 orynda.
Juptyq razriadta alǵashqy úshtikte Katerina Siniakova men Barbora Kreichikova (ekeýi de – Chehiia), sondai-aq belgiialyq Elize Mertens tur.
Qazaqstandyq Anna Danilina jeke rekordyn taǵy jańartyp, 20-orynǵa shyqty. Rybakina bir oryn joǵaltyp, 49-shy orynǵa jaiǵasty.
