Qazaqstandyqtar shetelge oqýǵa sirek ketetin boldy, dep málimdedi Bilim jáne ǵylym ministri Ashat Aimaǵambetov. Bul týraly Sputnik Qazaqstan agenttigi jazdy.
"Shetelge ketetin balalar sany aitarlyqtai azaidy. Biz muny birqatar óńir boiynsha kórip otyrmyz. Bizde ásirese Shyǵys Qazaqstan, Soltústik Qazaqstan, Qostanai oblystary men Pavlodar kóshbasshy boldy. Qazir biz shetelge oqýǵa ketetin balalardyń sany birneshe ese azaiyp bara jatqanyn kórip otyrmyz", - dedi Aimaǵambetov jýrnalisterge Nur-Sultandaǵy №75 mektep-litseiinde.
Bilim ministrliginiń basshysy mundai úrdisti elde bilim berý sapasynyń ósýimen bailanystyrady.
"Búginde Qazaqstannyń bilimi básekege qabiletti joǵary bilim. Joǵary oqý oryndary óte myqty jáne olar is júzinde álemdik standarttar deńgeiinde bilim bere alady. Qazaqstandyq 16 joǵary oqý orny álemniń eń úzdik joǵary oqý oryndarynyń álemdik reitingine endi", - dedi Ashat Aimaǵambetov.
Ol Qazaqstan - joǵary oqý orny álemniń 200 úzdik joǵary oqý oryndarynyń tizimine kiretin TMD-daǵy eki eldiń biri ekenin atap ótti. Mundai ekinshi el - Resei.
Eske sala ketsek, biyl granttardyń 60%-i tehnikalyq mamandyqtarǵa bólinedi. Prezident Qasym-Jomart Toqaev dál osy salany damytýdy tapsyrdy. Sondyqtan ministrlik mamandardy daiarlaý basymdyǵyn ózgertedi.
