Resei Úkimetiniń sheshimimen Qazaqstan azamattarynyń bárine, sonyń ishinde ishki jáne orta oqý oryndarynda oqyp júrgenderge Reseige ushaqpen ǵana kirýge ruqsat beriledi, dep habarlaidy "Ult aqparat" elimizdiń Resei Federatsiiasyndaǵy Elshiligine silteme jasap.
Qurlyqtyq shekara arqyly burynǵy shekteýler, atap aitqanda Reseige jolmen kirýge áli de tyiym salynady.
Ushyp kelgen stýdent kóshi-qon kartasynda ózdigimen kelý maqsatyn «Oqý» dep kórsetýi kerek. Osynyń negizinde oqý orny kelý kezeńine bailanysty tirkeý qujatyn jasaidy.
Qazaqstan Respýblikasynyń Resei Federatsiiasyndaǵy Elshiligi Reseige úshinshi el arqyly tek turýǵa yqtiiarhaty bar azamattar kire alatynyn habarlaidy. Eger QR azamaty Reseige Qazaqstan arqyly emes, Túrkiia arqyly kirýdi jón dep sheshse, onda onyń Túrkiiada turýǵa yqtiiarhaty bolýy kerek.
«Eki el arasyndaǵy áýe reisterin Air Astana men Aeroflot kompaniialary jasaidy. Áýe biletteriniń baǵasy men ushaqtardyń ushý tártibin áýe kompaniialarynyń saitynan bilýge bolady. Reseige keletin azamattarda koronavirýs boiynsha PTR-anyqtama bolýy (72 saǵatqa jaramdy) kerek», - delingen habarlamada.
