Qazaqstandyq stýdentteri elektrohimiialyq materialtaný boiynsha halyqaralyq olimpiadanyń jeńimpazdary atandy, dep habarlaidy QazAqparat.
Nazarbaev Ýniversitetiniń stýdentterinen quralǵan top himiia jáne himiialyq tehnologiia boiynsha XI Birimjanov atyndaǵy halyqaralyq kongress aiasynda uiymdastyrylǵan elektrohimiialyq materialtaný boiynsha halyqaralyq olimpiadanyń jeńimpazy atandy. Olimpiadv 18 qarasha kúni Almatyda ótti. Oǵan Izrail, Frantsiia, Resei jáne Qazaqstan komandalary qatysty
«Iondar» dep atalatyn NÝ tobynyń quramynda magistratýra stýdentteri Ásel Serikqazieva, Erkejan Erkinbekova, Aqtilek Ahmetova jáne PhD stýdenti Nurbol Tolǵanbek boldy.
«Bizdiń top jarysqa birneshe kún qalǵanda quryldy, alǵash ret birge jumys jasadyq. Ýniversitetimizde jáne akkýmýliatorlar tobynda olimpiadaǵa qajet barlyq himiialyq zattar men qural-jabdyqtar bolǵandyqtan, qiyndyq kórgen joqpyz jáne ony baǵalaimyz», - dedi Nurbol Tolǵanbek.
Olimpiada barysynda tórt saǵattyq onlain telekópir ótti jáne sol ýaqyt aralyǵynda stýdentter elektrohimiia jáne materialtaný boiynsha úsh tájiribelik jumysty sheship, jaqsy nátije kórsetti.
«Olimpiada esepterin sheshýdiń eń qolaily ádisterin jyldam tańdaý kerek boldy, sondyqtan negizgi mindet elektrohimiia jáne materialtaný boiynsha alǵan barlyq bilimderimizdi suryptaý boldy. Ýaqyt shekteýli bolǵan kezde, bul birshama kurdeli eken.. Degenmen, jeńiske umtylǵan tórt adam tapsyrmalardy tiimdi uiymdastyryp, tarata alatynyna kózimiz jetti», - dep bólisti Aqtilek Ahmetova.
