Túrkiianyń Izmir qalasynda qazaqstandyq stýdent joǵalyp ketti. Aqparatty Syrtqy ister ministrligi rastady, - dep habarlaidy Massaget.kz agenttigi.
Buǵan deiin Áleýmettik jelilerde joǵalǵan stýdenttiń týystary Raýan Darhanuly men úsh stýdenttiń 22 qazanda keshke Dokýz Eilýl ýniversitetiniń kampýsynan keshki as ishý úshin shyqqanyn habarlaǵan. Raýanmen birge bilim alatyn stýdentterdiń aitýynsha, olar kafeden shyqqan kezde Raýan smartfonnyń joǵalǵanyn túsingen. Smartfonyn izdeý úshin as ishken jerge qaita baryp, oralmaǵan.
"Biraz ýaqyttan keiin Raýanmen as ishken stýdentter ony izdep barǵan, biraq ony tappai, ýniversitet kampýsyna qaitqan. Al Raýan qaityp oralmaǵan. Sodan kelesi kúni jigitter keshki as ishken jerine qaita baryp, Raýannyń smartfonyn sol jerden taýyp alǵan", - delingen qazaqstandyq stýdent týystarynyń habarlamasynda.
Habarsyz ketken stýdenttiń anasy Raýshan Noǵaibaeva ýniversitet basshylyǵy men Izmir qalalyq politsiiasyna aryz jazǵan. Oǵan politsiia izdep jatqanyn, ázirge habar joq ekenin aitty.
Qazaqstannyń Syrtqy ister ministrligi bolǵan oqiǵadan habardar ekenin jetkizdi.
"Túrkiia biligine úndeý jasaldy, politsiia ony izdestirip jatyr", - dedi SIM baspasóz qyzmeti.
