تٷركييانىڭ يزمير قالاسىندا قازاقستاندىق ستۋدەنت جوعالىپ كەتتٸ. اقپاراتتى سىرتقى ٸستەر مينيسترلٸگٸ راستادى, - دەپ حابارلايدى Massaget.kz اگەنتتٸگٸ.
بۇعان دەيٸن ەلەۋمەتتٸك جەلٸلەردە جوعالعان ستۋدەنتتٸڭ تۋىستارى راۋان دارحانۇلى مەن ٷش ستۋدەنتتٸڭ 22 قازاندا كەشكە دوكۋز ەيلۋل ۋنيۆەرسيتەتٸنٸڭ كامپۋسىنان كەشكٸ اس ٸشۋ ٷشٸن شىققانىن حابارلاعان. راۋانمەن بٸرگە بٸلٸم الاتىن ستۋدەنتتەردٸڭ ايتۋىنشا, ولار كافەدەن شىققان كەزدە راۋان سمارتفوننىڭ جوعالعانىن تٷسٸنگەن. سمارتفونىن ٸزدەۋ ٷشٸن اس ٸشكەن جەرگە قايتا بارىپ, ورالماعان.
"بٸراز ۋاقىتتان كەيٸن راۋانمەن اس ٸشكەن ستۋدەنتتەر ونى ٸزدەپ بارعان, بٸراق ونى تاپپاي, ۋنيۆەرسيتەت كامپۋسىنا قايتقان. ال راۋان قايتىپ ورالماعان. سودان كەلەسٸ كٷنٸ جٸگٸتتەر كەشكٸ اس ٸشكەن جەرٸنە قايتا بارىپ, راۋاننىڭ سمارتفونىن سول جەردەن تاۋىپ العان", - دەلٸنگەن قازاقستاندىق ستۋدەنت تۋىستارىنىڭ حابارلاماسىندا.
حابارسىز كەتكەن ستۋدەنتتٸڭ اناسى راۋشان نوعايباەۆا ۋنيۆەرسيتەت باسشىلىعى مەن يزمير قالالىق پوليتسيياسىنا ارىز جازعان. وعان پوليتسييا ٸزدەپ جاتقانىن, ەزٸرگە حابار جوق ەكەنٸن ايتتى.
قازاقستاننىڭ سىرتقى ٸستەر مينيسترلٸگٸ بولعان وقيعادان حاباردار ەكەنٸن جەتكٸزدٸ.
"تٷركييا بيلٸگٸنە ٷندەۋ جاسالدى, پوليتسييا ونى ٸزدەستٸرٸپ جاتىر", - دەدٸ سٸم باسپاسٶز قىزمەتٸ.
