Meditsina salasynda qyzmet kórsetetin otandyq “Cerebra” startapy jahandyq Global Startup Awards baiqaýynyń grand finalyna ótti. Bas júlde naýryz aiynyń 28-29 kúnderi Daniia astanasy Kopengagen qalasynda ótetin sharada tabystalady.
Finalda top jarý úshin qazaqstandyqtarǵa qoldaý qajet. Onlain daýys berý úshin https://public-voting.globalstartupawards.com/competition-public-voting/63a44dd71fc43e75b0494a4b?fbclid=PAAaZItj6qpvOpHHMisHpqMntWtDbC0ephdEXvhuHB2Sl8IKYRfcJp-i9XRFo saityna ótip, Best Ver Tech atalymy boiynsha “Cerebra” jobasyn tańdaý kerek.
“Bul kino salasyndaǵy Oskar syilyǵyna para-par IT salasyndaǵy bedeldi doda. Baiqaýda jeńiske jetip jatsaq álemdik IT qaýymdastyqpen qarym-qatynas quryp, alpaýyt kompaniialarmen birge jumys isteýge múmkindik paida bolady. Oǵan qosa investorlardyń nazaryn aýdaryp, dúniejúzilik naryqqa shyǵýǵa jol ashylady” - deidi “Cerebra” jobasynyń jetekshisi Dosjan Júsipov.
“Cerebra” jobasyn Almaty A.I.Lab laboratoriiasynyń jas mamandary oilap tapqan. Otandastarymyz 2018 jyldan bastap jasandy intellekt tehnologiialaryn damytýmen ainalysyp kele jatyr.
Atalǵan jasandy intellektiń kómegimen insýlt 10 minýt ishinde tanylady. Sonymen qatar bul midyń zaqymdanbaǵan parenhima bóligimen salystyrý arqyly iadrodaǵy tinderdiń tyǵyzdyǵynyń ózgerýin naqtylaýǵa múmkindik beredi. Nátijesinde, patsientke jedel emdeý taǵaiyndalyp, fýnktsiiany joǵaltý jáne nevrologiialyq tapshylyq qaýpi azaiady.
Bul soft meditsinada erekshe mańyzdy. Sebebi insýlt Qazaqstandaǵy ólim-jitimniń negizgi sebepteriniń biri bolyp otyr.
Jylyna 40 myńǵa deiin insýlt tirkelse, onyń jartysy ólimge, al 80%-y múgedektikke ákeledi. Sondai-aq elimiz insýlt derti beleń alyp turǵan 30 eldiń tizimine kiredi.
