Ulttyq qaýipsizdik komiteti Shekara qyzmetiniń sarbazdary arnaiy júrgizilgen shara barysynda brakonerlerden 41 itbalyq tárkilegen. Bul týraly komitettiń baspasóz qyzmeti aqparat taratty.
Baspasóz qyzmetiniń málimetterine qaraǵanda, Qazaqstan Respýblikasynyń Shekara qyzmeti Kaspii teńiziniń biologiialyq túrleriniń saqtalýyna baǵyttalǵan sharalardy ári qarai iske asyrýda. 2020 jylǵy qazan jáne qarasha ailarynda Kaspii teńiziniń akvatoriiasynda brakonerlik áreketterdiń jolyn kesý jáne akvatoriialyq resýrstaryn kúzetý boiynsha RF Federaldy qaýipsizdik qyzmetiniń Shekara qyzmetimen birlesken jedel aldyn alý is-sharalaryn ótkizý barysynda shekaralyq keńistikte 111 zań buzýshy anyqtalǵan.
Onyń ishinde 20 shekaralyq rejimdi, 89 aimaqtyq jáne ishki sýlardyń jáne balyq aýlaý erejelerin buzǵan 2 buzýshyny quryqtady, 2,66 mln. teńge kóleminde aiyppul salyndy.
«Sondai-aq 5 júzý qural, 9 qozǵaltqysh, 281 astam shaqyrym brakonerlik aý, 71 basqa aýlaý quraldary olardyń ishinde: 1573 dana (7,8 myń.kg) bekire tuqymdas balyqtary, 4 719 (4,6 myń. kg) dana balyq túrleri, sonymen qatar 41 itbalyq tárkilendi. Kaspii teńizinde Shekara qyzmetiniń is-qimyl qorytyndysy boiynsha ár túrli biologiialyq resýrstardyń 2 mlrd teńgeden astam shyǵynynyń aldy alyndy»,-delingen QR UQK taratqan baspasóz málimetterinde.
