Foto: ©RIA Novosti
Sankt-Peterbýrgte Qazaqstan azamatyna áskerge shaqyrý qaǵazy tapsyrylǵan. Bul aqparatty SIM rastady, - dep habarlaidy Massaget.kz portaly.
Buǵan deiin Leningrad oblysynyń óńirlik buqaralyq aqparat quraldarynda Sankt-Peterbýrgte turatyn 31 jastaǵy qazaqstandyq óz aýdanynyń kommýnal qyzmetterinen áskerý shaqyrý qaǵazyn alǵany týraly aqparat paida bolǵan edi. BAQ málimetinshe, qazaqstandyq Reseide 2013 jyldan beri turady, ol 2017 jyly turýǵa ruqsat alǵan. Biraq qazaqstandyq azamattyǵyn ózgertpegen. Qazaqstandyq tólqujatyn kórsetip, qandai da bir qujattarǵa qol qoiýdan jáne áskeri komissariatqa kelýden bas tartqan. Onyń ornyna ol konsýldyqqa júgingen.
SIM Qazaqstan azamatynan ótinish túskenin rastaǵan. Onyń azamattyǵyn rastaityn qujaty da bar. Qazir aqparat eki eldiń bazalarynda tekserilip jatyr.
"Mundai jaǵdailar bolady, bazalarda keibir sáikessizdikter bolýy múmkin. Mysaly, adam Reseide turady, onyń turýǵa ruqsaty bar. Turýǵa yqtiiarhat - azamattyq emes, onyń Qazaqstan azamattyǵy áli de bar. Shamasy, bazada qate ketti. Mundai jaǵdaida QR azamaty óz qujatyn áskeri komissariatqa kórsete alady nemese elshilikte onyń Qazaqstan azamaty ekenine taǵy bir ret kóz jetkize alady. Bul máselede eshqandai problema joq, onyń Qazaqstan azamaty ekenin zańdy túrde dáleldeý qajet", - dedi SIM resmi ókili Aibek Smadiiarov.
Eske salaiyq, 21 qyrkúiekte Resei prezidenti Vladimir Pýtin ishinara mobilizatsiia týraly jariialady jáne tiisti jarlyqqa qol qoidy.
