Qazaqstandyq paralimpiadashylar Dýbaidaǵy Dúniejúzilik Gran-pri 2021 saiysynda 11 medal jeńip aldy, dep habarlaidy "Ult aqparat".
Bul jaiynda Qazaqstannyń paralimpiada komiteti málimet taratty.
Ulttyq quramanyń qorjynynda 1 altyn, 4 kúmis, 6 qola medal bar.
Saltanat Ábilqasymqyzy 100 metr qashyqtyqqa júgirýden - altyn, 200 metr qashyqtyqqa júgirýden kúmis medal ielendi.
Aleksei Lýkýtin - iadro laqtyrýdan, Sergei Harlamov pen Islam Salimov - uzyndyqqa sekirýden kúmis medal jeńip aldy.
Rýfat Habibýllin – 200 metr qashyqtyqqa júgirýden, Anastasiia Iakovleva – 100 jáne 200 metr qashyqtyqqa júgirýden, Ravil Mansýrbaev – iadro laqtyrýdan, Elaman Jolaman – disk laqtyrýdan jáne Maqshat Meiirjan – 400 metr qashyqtyqqa júgirýden qola medalge ie boldy.
Dýbaidaǵy Dúniejúzilik Gran-pri 2021 – pandemiia bastalǵaly beri para jeńil atletikadan ótken alǵashqy álemdik jarys.
Oǵan 52 elden 471 sportshy qatysty.
Qazaqstannyń atynan iadro laqtyrý, uzyndyqqa sekirý, naiza jáne disk laqtyrý, júgirý qashyqtyqtary tártipteri boiynsha 22 sportshy qatysty.
Jarys 9-14 aqpan aralyǵynda ótti.
