Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy
Sport

Qazaqstandyq Olimpiada júldegerine qatysty daý: federatsiia pikir bildirdi

Ult portaly
Qazaqstandyq Olimpiada júldegerine qatysty daý: federatsiia pikir bildirdi


Qazaqstan aýyr atletika federatsiiasy (AAF) 2016 jylǵy Olimpiada chempiony Nijat Rahimovty altyn medalinen aiyrýǵa qatysty málimdeme jasady, - dep habarlaidy Tengrinews.kz tilshisi.

Federatsiianyń bas hatshysy Aldiiar Nuralinov Sporttyq arbitraj sotynyń (CAS) Dopingke qarsy departamenti "kútpegen sheshim" jasaǵanyn aitty. Onyń aitýynsha, tyńdaý kezinde Rahimovtyń advokattary aitqan derekter aitarlyqtai senimdi bolǵan.

"Tyńdaý sátinen bastap, odan beri alty ai ótti, sportshyǵa da, federatsiiaǵa da qosymsha ótinishter men túsiniktemeler túsken joq. Aita keteiik, bul sot otyrysy CAS dopingke qarsy departamenti deńgeiinde bir arbitrmen ótkendikten, bul úkim birinshi instantsiia sheshimi sanaldy", - dedi ol.

Nuralinov AAF dopingtiń kez kelgen kórinisine múldem tózbeýshilik qaǵidatyn ustanatynyn aitty.

"Alaida bul jaǵdaida Halyqaralyq aýyr atletika federatsiiasyna jáne sol kezdegi doping-baqylaý júrgizgen organdarǵa birqatar suraq týyndap otyr. Federatsiia bizdiń sportshymyzǵa qoldaý kórsetýge jáne CAS dopingke qarsy departamenti sheshimine shaǵymdanýǵa odan ári kómek kórsetýge daiyn", - dep túiindedi sózin Aldiiar Nuralinov.

Buǵan deiin aýyratlet medalinen aiyrylýyna bailanysty málimdeme jasaǵan bolatyn.

Oqi otyryńyz