QR Bilim jáne ǵylym ministrliginiń buiryǵymen Respýblikanyń mektepterinde úi tapsyrmasyn uiymdastyrý jáne oryndaý jónindegi ádistemelik nusqaýlyqtar bekitildi, dep habarlaidy QazAqparat vedomstvonyń baspasóz qyzmetine silteme jasap.
2017 jylǵy 24 sáýirde QR Bilim jáne ǵylym ministri E.K. Saǵadiev № 182 buiryǵymen respýblikanyń mektepterinde úi tapsyrmasyn uiymdastyrý jáne oryndaý jónindegi ádistemelik nusqaýlyqtardy bekitti. Bul usynystardyń negizin "Aqparattyq-taldaý ortalyǵy" AQ ótken jylǵy sáýirden jeltoqsanǵa deiin iske asyrylǵan jobasynyń nátijeleri qurady.
QR BǴM Mektepke deiingi jáne orta bilim departamentiniń direktory J.A.Jontaeva, basqarma basshysy T.J.Jakenova, bas sarapshylar A.A.Kemalova jáne B.A.Qabatovalardyń jetekshiligimen jarty jyl boiy usynystar vedomstvolyq baǵynysty uiymdarmen, óńirlerdiń mektepterimen jan-jaqty talqylaýdan jáne resmi veb-saittar arqyly daýys berýden ótti.
Qazaqstandyq mektepterdiń tarihynda alǵash ret beiindi vedomstvolyq deńgeide elimizdiń oqýshylarynyń úi tapsyrmasyn mólsherleý ádistemesin qamtityn qujat qabyldandy. Biz Ádistemelik nusqaýlar oqýshylardyń oqý júktemesin tómendetetin, olardyń ózdik jumysqa yntasyn jáne jalpy alǵanda úlgerim sapasyn arttyratyn áreketti qural bolady dep úmittenemiz.
