Qazaqstandyq faiter Baǵdat Jubanysh Abý-Dabide ótken MMA-dan álem chempionatynda álem chempiony atanyp, tarihi jetistikke qol jetkizdi, - dep habarlaidy Tengrinews.kz tilshisi Vesti.kz saityna silteme jasap.
Baǵdat Jubanysh úsh márte álem chempiony atanyp MMA tarihynda rekord ornatty. Ol - Halyqaralyq aralas jekpe-jek federatsiiasy (IMMAF) tarihynda mundai rekordqa qol jetkizgen alǵashqy faiter.
Ol finaldyq jekpe-jekte reseilik Farhod Rahmonalievti jeńip, MMA tarihynda tuńǵysh ret úsh dúrkin álem chempiony atandy. Jekpe-jektiń úsh raýndy da qazaqstandyqtyń basymdylyǵymen ótken. Nátijesinde tóreshiler biraýyzdan jeńisti Jubanyshqa bergen.
Odan bólek, 65,8 kelige deiingi salmaqta synǵa túsken shymkenttik Bekzat Jasiia MMA boiynsha eresekter arasyndaǵy álem chempionatynyń ekinshi altynyn qanjyǵasyna bailaǵan. Ol aqtyq synda ispaniialyq Hýan Izkýerdony jeńdi.
