© AFP 2024 / Rami Al Sayed
Mektepterde eshqandai dini rásim ótpeýi kerek. Oqý-aǵartý ministri osylai dep málimdedi. Bul týraly "Ult aqparat" Stan.kz aqparat agenttigine silteme jasap habarlaidy.
Oqý-aǵartý ministri Ǵani Beisembaev úkimet otyrysynyń kýlýarynda mektep dini rásimderge arnalmaǵanyn aitty. Brifingte jýrnalister ministrge mektepterde namaz oqýǵa arnalǵan oryndar bólý týraly pikirge kózqarasy qandai ekenin surady.
“Mektep sapaly bilim men tárbie berýge arnalǵan oryn”, – dep atap ótti ministr.
Sonymen qatar ol, boljam boiynsha, sabaq kezinde juma namazyn oqyp jatqan oqýshylardyń videosyna pikir bildirdi.
“Mektepte eshqandai dini rásim ótpeýi tiis, ol ár mekteptiń ishki erejesinde jazylady jáne ministrliktiń buiryǵymen retteledi. Soǵan qaramastan qazir biz bul jaǵdaidy taldap jatyrmyz, ázirge qai óńirde, qai mektepte bolǵany belgisiz”, – dedi ministr.
Buǵan deiin mektepte namaz oqyǵan oqýshylarǵa qatysty tekseris bastaǵany belgili bolǵan edi.
