Las-Vegas qalasynda ótken UFC 272 týrnirinde qazaqstandyq Mariia Agapova (10-3) ýkrainalyq Marina Morozdan (11-3) jeńilip qaldy, - dep habarlaidy Tengrinews.kz tilshisi Vesti.kz portalyna silteme jasap.
Týrnirde otandasymyz ekinshi raýndta sabmishinmen jeńilip qaldy.
Aiqastyń birinshi raýndynyń kóp bóligi ýkrainalyq sportshnyń basymdyǵymen ótti. Ásirese Moroz parterde óte belsenli boldy. Birinshi kezeńniń ózinde Marina qylqyndyrý ádisin jasaýǵa nietti bolǵan edi. Biraq Agapova qarsylasqa bul ádisti jasatpady.
Ekinshi raýndta da ýkrainalyq birden basymdyqty óz qolyna aldy. Ol birden teikdaýnmen bastady. Sóitip parterde qazaqstandyq sportshyǵa biraq soqqylaryn daryta bildi. Al raýndtyń aiaqtalýyna bir minýt qalǵanda Moroz qylqyndyrý ádisin sátti iske asyrdy. Osy sátte Agapova berildi.
Osylaisha otandasymyz UFC uiymyndaǵy ekinshi kezdesýinde jeńilis tapty.
30 jastaǵy Moroz bolsa besinshi jeńisine qol jetkizdi. Onyń enshisinde úsh jeńilis bar. Sońǵy márte Marina osydan eki jyl buryn jeńiske jetken bolatyn.
Aita keteiik, týrnirdiń basty aiqasynda jartylai orta salmaqta óner kórsetetin amerikalyq faiterler Kolbi Kovington (16-3) men Horhe Masvidal (35-15) kezdesedi.
