Importty almastyrýdyń óńirlik baǵdarlamalary qabyldanady. Bul týraly búgin Úkimet otyrysynda QR Indýstriia jáne infraqurylymdyq damý ministri Qaiyrbek Óskenbaev aitty, dep habarlaidy QazAqparat.
«Importty almastyrý baǵdarlamasy bekitilgennen keiin importty almastyrýdyń óńirlik baǵdarlamalary qabyldanady. Baǵdarlamalar import kólemin azaitý jónindegi jobalardy monitoringilep, olardy iske asyrýǵa baǵyttalatyn bolady. Baǵdarlamany tiimdi iske asyrý úshin biz biznesti qoldaýdyń júieli sharalaryn qatar júzege asyrýdy usynamyz», - dedi ministr.
Osy rette Qaiyrbek Óskenbaev negizgi sharalarǵa toqtaldy.
«Birinshi, jobalardy qoldaý úshin ónerkásipti damytý qory men Qazaqstannyń damý bankiniń qarjylandyrý tetikterin paidalanamyz. Ekinshi deńgeili bankter men jergilikti atqarýshy organdardyń qarajatyn tartý múmkindikterin qosymsha pysyqtaimyz. Ekinshi, Biznestiń jol kartasy baǵdarlamasyndaǵy tetikter qaita qaralady. Bul ónerkásiptik kásiporyndardyń energiia resýrstary men injenerlik-kommýnikatsiialyq infraqurylymǵa teń qol jetkizýin qamtamasyz etý úshin jasalady. Importty almastyratyn jobalar úshin ákimdikterdiń qajetti infraqurylymmen qamtamasyz etýlerin usynamyz», - dedi Qaiyrbek Óskenbaev.
Onyń aitýynsha, úshinshiden, jobalardy nátijeli iske asyrý úshin Bilim jáne ǵylym ministrligimen birlesip, memlekettik bilim berý tapsyrysy aiasynda ózimizdiń kadrlyq bazamyz qalyptastyrylady. Sonymen qatar kásiporyndardyń injenerlik-tehnikalyq mamandaryn aldyńǵy qatarly sheteldik kásiporyndar men uiymdarǵa taǵylymdamaǵa jiberý josparlanyp otyr.
«Tórtinshi - óndiristik kásiporyndardy shikizatpen qamtamasyz etý boiynsha jer qoinaýyn paidalanýshylarǵa mindettemeler bekitý. Búgingi tańda aliýminii óndirýshilerimen qaita óńdeýmen ainalysatyn 7 kásiporynmen kelisimge qol qoidy. Mys pen qorǵasyn boiynsha da osy baǵytta jumystar júrgizilýde», - dedi ol.
