يمپورتتى الماستىرۋدىڭ ٶڭٸرلٸك باعدارلامالارى قابىلدانادى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
«يمپورتتى الماستىرۋ باعدارلاماسى بەكٸتٸلگەننەن كەيٸن يمپورتتى الماستىرۋدىڭ ٶڭٸرلٸك باعدارلامالارى قابىلدانادى. باعدارلامالار يمپورت كٶلەمٸن ازايتۋ جٶنٸندەگٸ جوبالاردى مونيتورينگٸلەپ, ولاردى ٸسكە اسىرۋعا باعىتتالاتىن بولادى. باعدارلامانى تيٸمدٸ ٸسكە اسىرۋ ٷشٸن بٸز بيزنەستٸ قولداۋدىڭ جٷيەلٸ شارالارىن قاتار جٷزەگە اسىرۋدى ۇسىنامىز», - دەدٸ مينيستر.
وسى رەتتە قايىربەك ٶسكەنباەۆ نەگٸزگٸ شارالارعا توقتالدى.
«بٸرٸنشٸ, جوبالاردى قولداۋ ٷشٸن ٶنەركەسٸپتٸ دامىتۋ قورى مەن قازاقستاننىڭ دامۋ بانكٸنٸڭ قارجىلاندىرۋ تەتٸكتەرٸن پايدالانامىز. ەكٸنشٸ دەڭگەيلٸ بانكتەر مەن جەرگٸلٸكتٸ اتقارۋشى ورگانداردىڭ قاراجاتىن تارتۋ مٷمكٸندٸكتەرٸن قوسىمشا پىسىقتايمىز. ەكٸنشٸ, بيزنەستٸڭ جول كارتاسى باعدارلاماسىنداعى تەتٸكتەر قايتا قارالادى. بۇل ٶنەركەسٸپتٸك كەسٸپورىنداردىڭ ەنەرگييا رەسۋرستارى مەن ينجەنەرلٸك-كوممۋنيكاتسييالىق ينفراقۇرىلىمعا تەڭ قول جەتكٸزۋٸن قامتاماسىز ەتۋ ٷشٸن جاسالادى. يمپورتتى الماستىراتىن جوبالار ٷشٸن ەكٸمدٸكتەردٸڭ قاجەتتٸ ينفراقۇرىلىممەن قامتاماسىز ەتۋلەرٸن ۇسىنامىز», - دەدٸ قايىربەك ٶسكەنباەۆ.
ونىڭ ايتۋىنشا, ٷشٸنشٸدەن, جوبالاردى نەتيجەلٸ ٸسكە اسىرۋ ٷشٸن بٸلٸم جەنە عىلىم مينيسترلٸگٸمەن بٸرلەسٸپ, مەملەكەتتٸك بٸلٸم بەرۋ تاپسىرىسى اياسىندا ٶزٸمٸزدٸڭ كادرلىق بازامىز قالىپتاستىرىلادى. سونىمەن قاتار كەسٸپورىنداردىڭ ينجەنەرلٸك-تەحنيكالىق ماماندارىن الدىڭعى قاتارلى شەتەلدٸك كەسٸپورىندار مەن ۇيىمدارعا تاعىلىمداماعا جٸبەرۋ جوسپارلانىپ وتىر.
«تٶرتٸنشٸ - ٶندٸرٸستٸك كەسٸپورىنداردى شيكٸزاتپەن قامتاماسىز ەتۋ بويىنشا جەر قويناۋىن پايدالانۋشىلارعا مٸندەتتەمەلەر بەكٸتۋ. بٷگٸنگٸ تاڭدا اليۋمينيي ٶندٸرۋشٸلەرٸمەن قايتا ٶڭدەۋمەن اينالىساتىن 7 كەسٸپورىنمەن كەلٸسٸمگە قول قويدى. مىس پەن قورعاسىن بويىنشا دا وسى باعىتتا جۇمىستار جٷرگٸزٸلۋدە», - دەدٸ ول.
