Túrkiialyq "Galatasarai" qazaqstandyq kompaniiamen klýb stadionynyń ataýyna quqyq berý týraly kelissózder júrgizip jatyr, dep xabarlaidy Sports.kz.
Webaslan.com basylymy xabarlaǵandai, osy maýsymda stadionnyń 2009 jyldan beri atalyp kelgen «Túrik Telekom Arena» ataýy boiynsha kelisimshart aiaqtaldy. Osydan keiin jańa demeýshiler izdestirý jumystary bastaldy. BAQ aqparaty boiynsha, biraz ýaqyttan beri qazaqstandyq kompaniiamen kelissózder júrgizilip jatyr. Kelisim 3 maýsymǵa josparlanyp otyr, ári qarai 2 maýsymǵa da sozylýy múmkin. Otandyq kompaniia jyl saiyn ystanbuldyq klýbqa 12 mln dollar tóleýge daiyn.
Eske salaiyq, ótken sezonda "Galatasarai" Túrkiia chempiony atanǵan bolatyn.
