Búgin álemde ǵylymdaǵy áielder men qyzdar kúni atap ótilýde. Osyǵan orai Bilim jáne ǵylym ministri Ashat Aimaǵambetov ǵalym qyz-kelinshekterdi quttyqtady, dep habarlaidy "Ult aqparat".
Qazaqstandyq ǵylym salasynda 10 myńǵa jýyq áiel bar. Olardyń 714-i ǵylym doktory, 2427 áiel – ǵylym kandidaty, 992-si – PhD doktory, 28-i – beiindik doktorlar.
Osynshama názik jandar ǵylym salasynda tynymsyz eńbek etip júr.
«Jyl saiyn ǵylymdaǵy áielder sany artyp kele jatqanyna qýanyshtymyn. Búginde olar elimizdegi jalpy ǵalymdar sanynyń 54%-yn quraidy. Koronavirýs pandemiiasymen kúres kezinde ǵalym áielder aianbai eńbek etti. Mysaly, Zakaria Kúnsulý Daltonovnanyń basshylyǵymen Biologiialyq qaýipsizdik máseleleri ǵylymi-zertteý institýtynda COVID-19-ǵa qarsy qazaqstandyq QazCovid-in (QazVac) vaktsinasy daiyndaldy. Ǵylymdaǵy názik jandardy halyqaralyq merekemen quttyqtaimyn. Otandastarymyzdyń ómirin jaqsartý úshin jáne elimizdiń ǵylym salasyn damytýda atqaryp júrgen baǵa jetpes qyzmetterińiz úshin alǵys aitamyn. Biik belesterdi baǵyndyra berýlerińizge tilektespin» dep jazdy ministr Facebook paraqshasynda.
