Qazaqstannyń Ulttyq dopingke qarsy ortalyǵynyń saitynda saraptamalarynda tyiym salynǵan sýbstantsiialardyń anyqtalǵany úshin jarystan shettetilgen sportshylardyń jańartylǵan tizimi jariialandy, dep habarlaidy Olympic.kz.
Jariialanǵan tizimge sáikes, tyiym salynǵan sýbstantsiialar gimnast qyz Selina Jumataevanyń saraptama nátijesinen tabylǵan. Jarys kezeńinde alynǵan synamada tyiym salynǵan fýrosemid perparaty anyqtalypty. Sportshy jarystan 15.08.2018 bastap, 15.08.2022 deiin 4 jylǵa shettetildi.
Selina - kórkem gimnastikadan halyqaralyq dárejedegi sport sheberi, Qazaqstannyń birneshe dúrkin chempiony, 2017 Aziia chempiony jáne 2015 jylǵy Aziia chempionatynyń qola júldegeri. Qazirgi ýaqytta Selina "Juldyz" jeke mektebinde jattyqtyrýshylyq qyzmetpen ainalysady.
Esterińizge sala keteiik, Ulttyq Olimpiada komiteti dopingti qoldaný máselelerinde qatań saiasatty ustanady jáne halyqaralyq olimpiada komiteti (HOK) men Dúniejúzilik dopingke qarsy agenttik (WADA) "taza" sportshylardy qorǵaý jónindegi bastamalaryna tolyq qoldaý kórsetedi.
