Foto: Instagram.com
Temirbek Júrgenov atyndaǵy Qazaq ulttyq óner akademiiasynyń stýdenti Ámir Kákenniń «Jazda atamnyń aýylynda» filmi AQSh-taǵy «Whittier Film Festival» halyqaralyq kinofestivalinde jeńiske jetti. Kartina úzdik qysqametrajdy film dep tanylyp, Best Short Drama nominatsiiasyn jeńip aldy, dep habarlaidy Ult.kz.
Jas rejisserdiń bul týyndysy Reseide ótken «Vzrosleem vmeste» halyqaralyq kinofestivalinde de «Qysqametrajdy kórkem film» atalymy boiynsha marapattalǵan edi.
Kúni keshe Qytaidyń Sychýan provintsiiasy, Chendý qalasynda II halyqaralyq «Golden Panda Awards» kinofestivaliniń marapattaý rásimi ótti. Qazaqstan atynan qatysqan «Qash» filmi «Úzdik operatorlyq jumys» nominatsiiasynda jeńiske jetti. Atalǵan júlde Temirbek Júrgenov atyndaǵy Qazaq ulttyq óner akademiiasynyń túlegi, operator Azamat Dýlatovqa tabystaldy.
Aita ketý kerek, «Golden Panda Awards» – ekinshi jyl qatarynan Chendý qalasynda ótkizilip kele jatqan halyqaralyq kinofestival. Onyń basty maqsaty – kinematografiia óneri arqyly shyǵarmashylyq almasýdy damytý jáne ortaq bolashaǵy bar jahandyq qaýymdastyq qurý.
