Qazaqstanda Ádiljan Erjanovtyń «Laskovoe bezrazlichie mira» kinokartinasy qazaqstandyq prokatqa shyǵady, dep habarlaidy "Ult aqparat".
Atalǵan filmde aýyldan kelgen ǵashyqtardyń qaladaǵy ómiri týraly aitylady.
Kinotaspa 22 qarashada Almaty, Astana, Shymkent, Atyraý jáne Qaraǵandy qalalarynda prokatqa shyǵady. Kórsetilim 2 kúnge sozylady.
«Bul - eń uly sezim mahabbat týraly film. Qazirgi Qozy men Baiannyń tarihy. Kino Almaty oblysynda 1 ai shamasynda túsirilgen», - dedi atalǵan týyndynyń rejisser Ádiljan Erjanov.
Bul kino buǵan deiin frantsýz kórermenderine kórsetilgen bolatyn.
«Parijde alǵashqy demalysta 15 000 bilet satyldy. Suranystyń kóptiginen kino Frantsiianyń basqa da qalalaryna prokatqa shyqty. Filmdi frantsýz pýblikasy birden qabyldady. Bul avtorlyq film paida tabý úshin túsirilmegen bolatyn. Biraq, óte sátti shyqty. Kórermen tarapynan suranys kóp bolǵan soń tabysty bola bastady. Film jarty jylda 20 elde kórsetilip, 10-nan asa marapat utyp aldy», - dedi prodiýser Serik Ábishev.
Aita ketý kerek, kartinanyń álemdik premerasy 71-Kann kinofestivaliniń «Erekshe kózqaras» atalymynda ótken edi.
Odan keiin Karlovy Vary, Ierýsalim, Armenii («Altyn órik»), Frantsiia (La Rochelle) elderindegi baiqaýlarǵa qatysty.
Almaty film festival baiqaýynda bul film eki birdei atalym boiynsha jeńimpaz atandy.
Basty rólderde Qýandyq Dúisembaev, Dinara Baqtybaeva oinaidy.
