Qazaqstandyq dombyrashylar Temirlan Oljabaev men Ernat Naýryz Ulybritaniiada ótip jatqan Golden Time Talent talanttar shoýynyń grand-finalyna ótti, dep habarlaidy "Ult aqparat".
Dombyrashy dýet AQSh-taǵy Halyqaralyq baiqaýda altyn medal jeńip alǵannan keiin, Golden Time Talent uiymdastyrýshylary aqpan aiynyń aiaǵyna qarai olardy óz konkýrstarynyń aqtyq synyna qatysýǵa shaqyrǵan bolatyn. Shoýdyń finalynda qazaqstandyq dombyrashylar Qurmanǵazy men Nurǵisa Tilendievtiń kúilerin shertip, qazirgi zaman kompozitorlarynyń týyndylarynan popýrri oryndady. Pandemiiaǵa bailanysty barlyq finalister stýdiiaǵa usynatyn jumystaryn qashyqtan joldaýǵa májbúr bolǵan. Qazylar da grand-finalǵa qatysýshylardy onlain rejimde iriktedi. Solardyń arasynda qazaqstandyq dýet te bar.
«Álemdik baiqaýda Hollywood tórine qazaqtyń qara dombyrasyn alyp shyǵyp, 72 el qatysqan dodada eki týrdy artqa tastap, finalda óner kórsetip óz nominatsiiamyzda altyn medalge ie boldyq! Qutty bolsyn, Qazaqstan!», -dep jazdy – Temirlan Oljabaev óziniń instagram paraqshasynda.
Uiymdastyrýshylar shoýdyń grant-finalyn 23-27 mamyr aralyǵynda ótkizý josparlap otyr.
