قازاقستاندىق دومبىراشىلار تەمٸرلان ولجاباەۆ مەن ەرنات ناۋرىز ۇلىبريتانييادا ٶتٸپ جاتقان Golden Time Talent تالانتتار شوۋىنىڭ گراند-فينالىنا ٶتتٸ, دەپ حابارلايدى "ۇلت اقپارات".
دومبىراشى دۋەت اقش-تاعى حالىقارالىق بايقاۋدا التىن مەدال جەڭٸپ العاننان كەيٸن, Golden Time Talent ۇيىمداستىرۋشىلارى اقپان ايىنىڭ اياعىنا قاراي ولاردى ٶز كونكۋرستارىنىڭ اقتىق سىنىنا قاتىسۋعا شاقىرعان بولاتىن. شوۋدىڭ فينالىندا قازاقستاندىق دومبىراشىلار قۇرمانعازى مەن نۇرعيسا تٸلەنديەۆتٸڭ كٷيلەرٸن شەرتٸپ, قازٸرگٸ زامان كومپوزيتورلارىنىڭ تۋىندىلارىنان پوپۋرري ورىندادى. پاندەميياعا بايلانىستى بارلىق فيناليستەر ستۋديياعا ۇسىناتىن جۇمىستارىن قاشىقتان جولداۋعا مەجبٷر بولعان. قازىلار دا گراند-فينالعا قاتىسۋشىلاردى ونلاين رەجيمدە ٸرٸكتەدٸ. سولاردىڭ اراسىندا قازاقستاندىق دۋەت تە بار.
«ەلەمدٸك بايقاۋدا Hollywood تٶرٸنە قازاقتىڭ قارا دومبىراسىن الىپ شىعىپ, 72 ەل قاتىسقان دودادا ەكٸ تۋردى ارتقا تاستاپ, فينالدا ٶنەر كٶرسەتٸپ ٶز نوميناتسييامىزدا التىن مەدالگە يە بولدىق! قۇتتى بولسىن, قازاقستان!», -دەپ جازدى – تەمٸرلان ولجاباەۆ ٶزٸنٸڭ ينستاگرام پاراقشاسىندا.
ۇيىمداستىرۋشىلار شوۋدىڭ گرانت-فينالىن 23-27 مامىر ارالىعىندا ٶتكٸزۋ جوسپارلاپ وتىر.
