Qazaqstandyq diplomattar sheteldik sarapshylardy eldiń parlamenttik sailaýǵa daiyndyǵymen tanystyrdy, dep habarlaidy "Ult aqparat".
QR Syrtqy ister ministrliginen málim etkendei, Qazaqstannyń shet elderdegi diplomatiialyq ókildikteri 2021 jylǵy 10 qańtarda ótetin Parlament Májilisiniń depýtattaryn sailaýǵa daiyndyq jumystaryna belsendi qatysýda. Osyǵan orai, birqatar sheteldik mekemelerde jergilikti sarapshylar men BAQ ókilderine arnalǵan brifingiler ótti.
«Gibridti» formatta Ulybritaniianyń saiasi jáne biznes-isteblishmenti, sondai-aq britandyq jáne halyqaralyq BAQ ókilderi úshin brifing ótkizildi. Qazaqstan Elshisi Erlan Ydyrysov óz sózinde elimizde saiasi reformalardyń aýqymdy baǵdarlamasy belsendi júzege asyrylyp jatqanyn jáne aldaǵy daýys berý memlekettiń halyqaralyq standarttarǵa sáikes sailaý ótkizýge beiildiligin rastaýǵa baǵyttalǵanyn atap ótti.
Naqty aitqanda, eldiń saiasi júiesin odan ári demokratiialandyrýǵa járdemdesý úshin saiasi partiialardy tirkeý shegi eki ese – 40-tan 20 myń adamǵa deiin tómendetildi, qoldanystaǵy zańnamaǵa saiasi partiialardan kandidattar tiziminde áielder men jastar úshin 30 paiyzdyq kvotany qamtamasyz etý úshin ózgerister engizildi. Jinalys erkindigin qamtamasyz etý bóliginde ulttyq zańnama yryqtandyryldy, al olardy uiymdastyrý tártibi ruqsaty túrden habarlandyrý tártibine ózgerdi», - delingen SIM aqparatynda.
Sondai-aq Vilniýste Qazaqstan Elshisi Viktor Temirbaev ortalyq jáne óńirlik BAQ ókilderi men Litva Seiminiń depýtattary úshin brifing ótkizdi. Onyń barysynda sailaýǵa daiyndyqtyń uiymdastyrýshylyq kezeńderi, oǵan qatysatyn partiialar týraly aqparat berildi. Diplomat sailaý eldiń odan ári saiasi jańǵyrýy aiasynda «Halyq únine qulaq asatyn memleket» tujyrymdamasyn júzege asyrýdyń bastalýy arqasynda múmkin bolǵan jańa saiasi jaǵdaida ótetinine nazar aýdardy.
Al Qazaqstannyń Rýmyniiadaǵy Elshisi Nurbah Rústemov osy eldiń BAQ-taryna arnalǵan brifing barysynda Memleket basshysy Qasym-Jomart Toqaevtyń «Qazaqstan jańa shyndyqta: is-qimyl ýaqyty» atty halyqqa Joldaýynda tujyrymdalǵan elimizdiń damýynyń basym baǵyttaryn atap ótti.
Diplomat kóppartiialyqty damytý jáne Qazaqstannyń saiasi ómirine azamattyq qoǵamnyń qatysýyn keńeitý, parlamenttik oppozitsiia institýtyn qurý jáne azamattardyń ózderiniń saiasi quqyqtaryn tolyq júzege asyrýy úshin barynsha qolaily jaǵdai jasaýǵa baǵyttalǵan basqa da qadamdar týraly aityp berdi.
