Foto: prp.kz
2025 jylǵy 31 shilde men 10 tamyz aralyǵynda Niý-Iorkte ótken 48-shi Asian American International Film Festival aiasynda otandyq rejisser Alina Mýstafinanyń «Prianiki dlia eio ottsa, moego pradeda, eio deda» derekti filmi Sikay Tang Critical Lens Award júldesin jeńip aldy, dep habarlaidy Ult.kz.
Bul marapat kórnekti rejisser jáne montaj sheberi Sikai Tangtyń qurmetine taǵaiyndalǵan jáne áleýmettik ári mádeni taqyryptardy tereń zertteitin derekti kartinalarǵa beriledi. Júlde nebári ekinshi ret tabystalyp otyr, alaida AAIFF derekti baǵdarlamasyndaǵy eń bedeldi syilyqtardyń biri sanalady.
Film Qazaqstan Respýblikasynyń Mádeniet jáne aqparat ministrliginiń jáne Ulttyq kinony qoldaý memlekettik ortalyǵynyń qoldaýymen túsirilgen. Týyndyda úsh býyn ókili avtobiografiialyq saparǵa shyǵyp, Qazaqstannan Tatarstanǵa, keiin Polshaǵa baryp, óz túp-tamyryn, ata-babasyn izdeidi.
Alina Mýstafinanyń bul jobasy buǵan deiin de halyqaralyq deńgeide moiyndalǵan: Pýsan halyqaralyq kinofestivalinde álemdik premerasy, Týrin kinofestivalinde eýropalyq premerasy ótti, «Bastaý» festivalinde (Qazaqstan) «Úzdik debiýt» júldesin, Tegerandaǵy Cinema Verite festivalinde «Úzdik film» Gran-priin ielendi. Sonymen qatar Italiiadaǵy Bolzano Film Festival Bozen jáne Abai oblysyndaǵy ORAI Festival aiasynda kórsetilgen.
1978 jyldan beri ótkizilip kele jatqan AAIFF – aziialyq jáne aziia-amerikalyq kinematografister úshin mańyzdy mádeni alań bolyp sanalady. Festival álemge tyń oqiǵalardy tanystyryp, jańa kórkemdik kózqarastar qalyptastyrýǵa yqpal etedi.
