فوتو: prp.kz
2025 جىلعى 31 شٸلدە مەن 10 تامىز ارالىعىندا نيۋ-يوركتە ٶتكەن 48-شٸ Asian American International Film Festival اياسىندا وتاندىق رەجيسسەر الينا مۋستافينانىڭ «پريانيكي دليا ەيو وتتسا, موەگو پرادەدا, ەيو دەدا» دەرەكتٸ فيلمٸ Sikay Tang Critical Lens Award جٷلدەسٸن جەڭٸپ الدى, دەپ حابارلايدى Ult.kz.
بۇل ماراپات كٶرنەكتٸ رەجيسسەر جەنە مونتاج شەبەرٸ سيكاي تانگتىڭ قۇرمەتٸنە تاعايىندالعان جەنە ەلەۋمەتتٸك ەرٸ مەدەني تاقىرىپتاردى تەرەڭ زەرتتەيتٸن دەرەكتٸ كارتينالارعا بەرٸلەدٸ. جٷلدە نەبەرٸ ەكٸنشٸ رەت تابىستالىپ وتىر, الايدا AAIFF دەرەكتٸ باعدارلاماسىنداعى ەڭ بەدەلدٸ سىيلىقتاردىڭ بٸرٸ سانالادى.
فيلم قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸنٸڭ جەنە ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن. تۋىندىدا ٷش بۋىن ٶكٸلٸ اۆتوبيوگرافييالىق ساپارعا شىعىپ, قازاقستاننان تاتارستانعا, كەيٸن پولشاعا بارىپ, ٶز تٷپ-تامىرىن, اتا-باباسىن ٸزدەيدٸ.
الينا مۋستافينانىڭ بۇل جوباسى بۇعان دەيٸن دە حالىقارالىق دەڭگەيدە مويىندالعان: پۋسان حالىقارالىق كينوفەستيۆالٸندە ەلەمدٸك پرەمەراسى, تۋرين كينوفەستيۆالٸندە ەۋروپالىق پرەمەراسى ٶتتٸ, «باستاۋ» فەستيۆالٸندە (قازاقستان) «ٷزدٸك دەبيۋت» جٷلدەسٸن, تەگەرانداعى Cinema Verite فەستيۆالٸندە «ٷزدٸك فيلم» گران-پريٸن يەلەندٸ. سونىمەن قاتار يتاليياداعى Bolzano Film Festival Bozen جەنە اباي وبلىسىنداعى ORAI Festival اياسىندا كٶرسەتٸلگەن.
1978 جىلدان بەرٸ ٶتكٸزٸلٸپ كەلە جاتقان AAIFF – ازييالىق جەنە ازييا-امەريكالىق كينەماتوگرافيستەر ٷشٸن ماڭىزدى مەدەني الاڭ بولىپ سانالادى. فەستيۆال ەلەمگە تىڭ وقيعالاردى تانىستىرىپ, جاڭا كٶركەمدٸك كٶزقاراستار قالىپتاستىرۋعا ىقپال ەتەدٸ.
