Májilis pen Senat depýtattary Aigúl Quspan men Muhtar Qul-Muhammed TMD isteri jónindegi Memlekettik Dýma komiteti tóraǵasynyń birinshi orynbasary Konstantin Zatýlinniń Qazaqstan týraly málimdemesine pikir bildirdi, - dep habarlaidy Massaget.kz.
Májilismen Aigúl Quspannyń aitýynsha, Qazaqstan men Resei Federatsiiasy arasyndaǵy diplomatiialyq qarym-qatynastyń ornaǵanyna 30 jyl tolýy qarsańynda Zatýlin "Qazaqstandy qorqytpaq bolyp, shabýyl jasady".
"Ókinishke qarai, osyndai depýtattardyń kesirinen jaqyn sheteldegi dos Reseidiń beinesi basqynshy, menmen, nadan bolyp kórinedi. Osyndai saiasatkerler qazaq jáne basqa ultshyldardyń oidan shyǵarylǵan taqyrybyn paidalanyp, Reseidiń múddesine qarsy oinaidy. Zatýlinniń jańa málimdemesin óte jaǵymsyz, ústirt ári negizsiz dep baǵalaý kerek", - dep jazdy ol Facebook paraqshasynda.
Depýtattyń aitýynsha, ishinara jumyldyrý jariialanǵannan keiingi birinshi kúni-aq Qazaqstanǵa 10 myńǵa jýyq reseilik keldi. Bilik te, halyq ta olarǵa eshqandai kedergi keltirmedi.
"Bul bizdiń elde orysofobiianyń joqtyǵyn kórsetedi. Depýtat Zatýlin, nege ekeni belgisiz, muny baiqamaidy, biraq, sonymen birge, elimizdiń bilik ókilderin Reseige adal ekenin kórsetý úshin Qazaqstan ekonomikasyn Batystyń ekinshi dárejeli sanktsiialaryna berýge shaqyrady. Biraq bul Qazaqstan halqynyń múddesine aitarlyqtai ziian keltiredi", - dedi májilismen.
Konstantin Zatýlinniń "Qazaqstannyń Reseimen qarym-qatynastaǵy taiǵaq joly" týraly málimdemesine senator Muhtar Qul-Muhammed te túsinikteme berdi.
"Depýtat Zatýlinniń reitingi tómendei salysymen ol arandatyp sóilei bastaidy. Bul buryn da, tipti birneshe ret bolǵan", - dep esepteidi ol.
Qul-Muhammed qazaqstandyq bankter "Mir" bank kartasyna qatysty durys áreket etti dep esepteidi.
"Birinshiden, ekinshi deńgeili bankterdiń bári jekemenshik sanalady jáne olar qai bank kartasymen jumys isteitinin ózderi anyqtaidy. Ekinshiden, "Mir" kartasy tóńireginde shý men janjal kóp boldy. Al aqsha, únsizdikti jaqsy kóredi. Sondyqtan depýtat "ýaiymy" men "narazylyǵyn" ózi siiaqtylardyń arqasynda qiyn jaǵdaiǵa tap bolǵan óziniń bank júiesine saqtasyn. Bizge jol kórsetpes buryn, ózi sanktsiia tiziminen qalai shyǵatynyn oilasyn", - dedi senator.
