مەجٸلٸس پەن سەنات دەپۋتاتتارى ايگٷل قۇسپان مەن مۇحتار قۇل-مۇحاممەد تمد ٸستەرٸ جٶنٸندەگٸ مەملەكەتتٸك دۋما كوميتەتٸ تٶراعاسىنىڭ بٸرٸنشٸ ورىنباسارى كونستانتين زاتۋليننٸڭ قازاقستان تۋرالى مەلٸمدەمەسٸنە پٸكٸر بٸلدٸردٸ, - دەپ حابارلايدى Massaget.kz.
مەجٸلٸسمەن ايگٷل قۇسپاننىڭ ايتۋىنشا, قازاقستان مەن رەسەي فەدەراتسيياسى اراسىنداعى ديپلوماتييالىق قارىم-قاتىناستىڭ ورناعانىنا 30 جىل تولۋى قارساڭىندا زاتۋلين "قازاقستاندى قورقىتپاق بولىپ, شابۋىل جاسادى".
"ٶكٸنٸشكە قاراي, وسىنداي دەپۋتاتتاردىڭ كەسٸرٸنەن جاقىن شەتەلدەگٸ دوس رەسەيدٸڭ بەينەسٸ باسقىنشى, مەنمەن, نادان بولىپ كٶرٸنەدٸ. وسىنداي ساياساتكەرلەر قازاق جەنە باسقا ۇلتشىلداردىڭ ويدان شىعارىلعان تاقىرىبىن پايدالانىپ, رەسەيدٸڭ مٷددەسٸنە قارسى وينايدى. زاتۋليننٸڭ جاڭا مەلٸمدەمەسٸن ٶتە جاعىمسىز, ٷستٸرت ەرٸ نەگٸزسٸز دەپ باعالاۋ كەرەك", - دەپ جازدى ول Facebook پاراقشاسىندا.
دەپۋتاتتىڭ ايتۋىنشا, ٸشٸنارا جۇمىلدىرۋ جارييالانعاننان كەيٸنگٸ بٸرٸنشٸ كٷنٸ-اق قازاقستانعا 10 مىڭعا جۋىق رەسەيلٸك كەلدٸ. بيلٸك تە, حالىق تا ولارعا ەشقانداي كەدەرگٸ كەلتٸرمەدٸ.
"بۇل بٸزدٸڭ ەلدە ورىسوفوبييانىڭ جوقتىعىن كٶرسەتەدٸ. دەپۋتات زاتۋلين, نەگە ەكەنٸ بەلگٸسٸز, مۇنى بايقامايدى, بٸراق, سونىمەن بٸرگە, ەلٸمٸزدٸڭ بيلٸك ٶكٸلدەرٸن رەسەيگە ادال ەكەنٸن كٶرسەتۋ ٷشٸن قازاقستان ەكونوميكاسىن باتىستىڭ ەكٸنشٸ دەرەجەلٸ سانكتسييالارىنا بەرۋگە شاقىرادى. بٸراق بۇل قازاقستان حالقىنىڭ مٷددەسٸنە ايتارلىقتاي زييان كەلتٸرەدٸ", - دەدٸ مەجٸلٸسمەن.
كونستانتين زاتۋليننٸڭ "قازاقستاننىڭ رەسەيمەن قارىم-قاتىناستاعى تايعاق جولى" تۋرالى مەلٸمدەمەسٸنە سەناتور مۇحتار قۇل-مۇحاممەد تە تٷسٸنٸكتەمە بەردٸ.
"دەپۋتات زاتۋليننٸڭ رەيتينگٸ تٶمەندەي سالىسىمەن ول ارانداتىپ سٶيلەي باستايدى. بۇل بۇرىن دا, تٸپتٸ بٸرنەشە رەت بولعان", - دەپ ەسەپتەيدٸ ول.
قۇل-مۇحاممەد قازاقستاندىق بانكتەر "مير" بانك كارتاسىنا قاتىستى دۇرىس ەرەكەت ەتتٸ دەپ ەسەپتەيدٸ.
"بٸرٸنشٸدەن, ەكٸنشٸ دەڭگەيلٸ بانكتەردٸڭ بەرٸ جەكەمەنشٸك سانالادى جەنە ولار قاي بانك كارتاسىمەن جۇمىس ٸستەيتٸنٸن ٶزدەرٸ انىقتايدى. ەكٸنشٸدەن, "مير" كارتاسى تٶڭٸرەگٸندە شۋ مەن جانجال كٶپ بولدى. ال اقشا, ٷنسٸزدٸكتٸ جاقسى كٶرەدٸ. سوندىقتان دەپۋتات "ۋايىمى" مەن "نارازىلىعىن" ٶزٸ سيياقتىلاردىڭ ارقاسىندا قيىن جاعدايعا تاپ بولعان ٶزٸنٸڭ بانك جٷيەسٸنە ساقتاسىن. بٸزگە جول كٶرسەتپەس بۇرىن, ٶزٸ سانكتسييا تٸزٸمٸنەن قالاي شىعاتىنىن ويلاسىن", - دەدٸ سەناتور.
